[i roto i te reo Māori]
1858. 22 April.Wairarapa District.Tenei Pukapuka tuku whenua i tubituhia nei i tenei ra i te
rua tekau ma rua o Apiriera (22nd April) 1858 he pukapuka tino whakaae pono na
matou na nga Rangatira me nga tangata o Rangitane kia tino tukua rawatia
tetahi wahi o to matou nei KaingaNgaawapurua. ki a Wikitoria te Kuini o Ingarangi, ki nga Kingi, Kuini ranei o muri
iho i a ia a ake tonu atu.
A mo to matou whakaaetanga kia tukua tenei whenua e whakaae ana a
Wikitoria
Receipt for £100. te Kuini o Ingarangi mona kia homai ki a matou nga Pauna moni kotahi
te rau takitahi (£100) ko aua moni kua riro mai ki a matou i tenei ra na te
Herangi (
William N. Searancke) i
homai.
Boundaries. Ko nga rohe o te whenua koia enei ka timata i Ngaawapurua i Manawatu
ka haere i roto i Manawatu tae atu ki te Apiti, ka haere i runga i te Maunga o
Tararua mau rawa atu ko te kauhuru o Mangaohao rere tonu te kahuru o
Mongotaenoka rere tonu te kahuru o Makakahi, rere tonu i roto i Makakahi
Eketahuna ka haere i roto i Mongorongo ki te Rere ka ahu mai ki Mongotawai
Makirikiri, te awa a toka, Mongapiro, Mongaruato Te Pipiriki Omanawa ka rere i
roto Mongatakoto ka tae ki Ihuraua, ka rere i roto Ihuraua, ka tae ki Tiraumea
ka rere i roto Tiraumea a Ngaawapurua ka tutaki ikonei.
A kia ruritia ra ano tenei whenua ka whakarite ai nga utu hei whakaotinga.
A mo to matou whakaaetanga ki nga tikanga katoa o tenei Pukapuka kua tuhia
iho o matou tohu me o matou ingoa.
A mo te whakaaetanga o te Kuini o Ingarangi mona ki nga tikanga katoa o tenei
Pukapuka kua tuhia iho te Ingoa o William N. Searancke, tetahi o nga kai whakarite whenua mo te Kawana
o Nui Tireni.
William N. Searancke,
Dist. Commr.
Hoani Meihana.
Karanama.
Warena.
Hetariki.
Poitete.
Apiata.
Heemi.
Peto te Aweawe.
Kerei te Wanau.
Nga Kai Titiro—
Robert R. Strang, Registrar,
Supreme Court, a Wellington.
Wm. Bromley, Settler, Porirua.