Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Te Whiti Block, Wairarapa District

Te Whiti Block, Wairarapa District.

1855. 22 August.Wairarapa District.Tenei pukapuka tuku whenua e tuhituhia nei i tenei ra i te rua tekau ma rua 22 o nga ra o Akuhata i te tau o to tatou Ariki Kotahi mano e waru rau e rima tekau ma rima 1855 He pukapuka tino whakaae pono ha matou na nga rangatira me nga tangata oTe Whiti. Ngatikahungunu e mau nei nga ingoa ki tenei pukapuka mo matou mo o matou whanaunga me o matou uri katoa e whanau mai i muri iho i a matou, kia tino tukua rawatia tetahi wahi o to matou kainga ki a Wikitoria te Kuini o Ingarangi ki nga Kingi Kuini ranei o muri iho i a ia a ake tonu atu.
Receipt for£100
Received cash
9 Dec., 185350
£150
A mo to matou whakaaetanga kia tino tukua rawatia tenei wahi o to matou whenua e whakaae ana hoki a Wikitoria te Kuini o Ingarangi mona kia utua matou ki nga pauna moni Kotahi te rau e rima tekau £150 takitahi. E rima tekau £50 pauna o enei moni i tangohia e Ihaia te Whakamairu ratou ko Kenehi ko Henere Waimarama ki Poneke i te 9 o nga ra o Tihema 1853. Ko te Kotahi rau pauna £100 o enei moni i toe ake nei kua riro mai ki a matou i tenei ra na te Kupa i homai ka porotou nga utu ki a matou mo tenei kainga ka tukua whakareretia e matou i tenei ra ki te Kuini o page 327Ingarangi Ka timata te rohe ki Kokomuka hokotahi ka mau ki te Ara Kariti, ka mau ki Tamaiti kiato, ka makere ki roto ki Taueru, ka rere tonu i roto i te Awa i Taueru puta noa ki Parikarearea man noa atu ko te Waikaha, mau rawa atu ko Kumekumewahine, ka whati i reira ka rere mai ki te Mauri, ka puta ki Ruamahanga, ka whati ka rere i roto i te wai o Ruamahanga ka puta ki te Whiro mau rawa atu ko Kerekererau, mau rawa atu koBoundaries, [640 acres.] Kokomukahokotahi, ka tutaki ki tona timatanga ra ano. Ki te mea ka iti iho tenei kainga i te "kuea maero"—square mile—ara i te ono rau me te wha tekau— 640—o nga eka, ka whakanekehia e matou nga rohe kia tutuki ai ki nga eka e 640.

Kahore he wahi tahi e mau ki a matou i roto i enei rone.

Heoi, ka oti i a matou te hurihuri te poroporoaki te tino tuku rawa atu i tenei kainga o a matou tupuna tuku iho ki a matou me ona wai me ona rakau me ona otaota me ona pohatu me ona mea katoa ki runga ranei o te whenua ki raro ranei o te whenua ka oti rawa i a matou te tino tuku rawa atu hei kainga pumau tonu iho ki a Wikitoria te Kuini o Ingarangi ki nga Kingi Kuini ranei o muri iho i a ia ake tonu atu. A no te rironga o enei toenga utu ki a matou, ka tuhia iho o matou ingoa me o matou tohu ki tenei pukapuka ki te Whiti i te 22 Akuhata 1855.

G. S. Cooper,
District Commissioner.
Hamiora Pakaiahi.
Hoana Makuhea.
Te Teira Te Raro x.
Tawhaki x.
Poihipi te Kopiri x.
Hairama te Kohai x.
Eraina Porotiti x.
Ngatuere Tawhao x.

Nga kai-titiro ki tenei homaitanga utu me enei tuhinga ingoa—

Wiremu Kingi.
John McKenzie, Settler, Te Whiti.