Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Wainuioru Block (Seaward of), Wairarapa District

Wainuioru Block (Seaward of), Wairarapa District.

Tenei pukapuka tuku whenua e tuhituhia nei i tenei ra i te waru 8 o nga ra o Akuhata1855. 8 August.Wairarapa District. i te tau o to tatou Ariki 1855. He pukapuka tino whakaae pono na matou na nga rangatira me nga tangata o Ngatikahungunu e mau nei nga ingoa ki tenei pukapuka kia tino tukua rawatia tetahi wahi o to matou kainga ki a Wikitoria te Kuini oWainuioru(Seaward of). Ingarangi ki nga Kingi Kuini ranei o muri iho i a ia, a ake tonu atu.
A mo to matou Whakaaetanga kia tino tukua rawatia tenei wahi o to matou kainga e whakaae ana a Wikitoria te Kuini o Ingarangi mona kia utua matou ki nga pauna moni kotahi te rau takitahi (£100) ko aua moni kua riro mai ki a matou i tenei ra na teReceipt for £100. Kupa i homai ko te tikanga mo etahi atu moni ki a matou hei utunga whakamutunga mo tenei kainga, ka whakaritea e te Kupa ki a matou me ka kitea te ahua o te kainga Otira ekore aua toenga e rahi ake i te Kotahi rau pauna.

Ka timata te rohe ki Wainuioru, ki te pito o to te Kaninamu kainga i tuku ai ki a Boundaries. te Kuini i mua ka haere i Wainuioru mau rawa atu ko Tawhakatea mau rawa atu ko te Araatawa, mau rawa atu ki te hiwi i te Wharehanga haere i te hiwi i te rohe o to te Kaninamu kainga mau rawa atu ko Tarewanga Kotukutuku rere tonu i roto i te awa mau rawa atu ko Ngapaiaka ka tutaki ano ki te timatanga ra ano o te rohe ki Wainuioru Heoi ko te whakaaetanga rawatanga tenei o te whenua ki te taha ki tai o Wainuioru.

page 326

Heoi kua oti i a matou te tino tuku rawa i tenei kainga o a matou tupuna tuku iho ki a matou me ona rakau me ona wai me ona mea katoa ki runga ranei o te whenua ki raro ranei o te whenua me ona aha noa iho o taua kainga ka tino tukua rawatia e matou i tenei ra e whiti nei hei whenua pumau tonu iho ki a Wikitoria te Kuini o Ingarangi, ki nga Kingi Kuini ranei o muri iho i a ia ake tonu atu.

No konei hoki ka tuhia iho o matou ingoa me o matou tohu me te ingoa hoki o te Kupa te Kai Whakarite Whenua o te Kawana mo tenei pito o Nui Tireni, ki Poneke i tenei ra i te 8 Akuhata 1855.

G. S. Cooper,
District Native Land Commr.
Na Nini.
Na Karaitiana.

Nga Kai-titiro ki tenei homaitanga moni me tenei tuhinga ingoa—

George Frederick Swainson, Asst. Surveyor, Wellington.
H. J. E. Webb, Clerk, Wellington.