Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Kuratawhiti Block, Greytown, Wairarapa District

Kuratawhiti Block, Greytown, Wairarapa District.

Tenei Pukapuka tuku whenua i tuhituhia nei i tenei ra i te rua tekau ma wha (24) o1855. 24 January.Wairarapa District. nga ra o Hanuere i te tau 1855. He pukapuka tino whakaae pono na matou na nga Rangatira me nga tangata o Ngatikahungunu mo matou mo o matou whanaunga me o matou uri katoa a whanau i moni iho i a matou kia tino tukua rawatia tetahi wahi o toKuratawhiti. matou kainga ki a Wikitoria te Kuini o Ingarangi ki nga Kingi Kuini ranei o muri ihoAdditional piece. i a ia a ake tonu atu. A mo to matou whakaaetanga kia tino tukua rawatia tenei wahi o to matou kainga e whakaae ana a Wikitoria te Kuini Ingarangi mona kia utua matou ki nga pauna moni e whitu tekau ma rima (£75) takitahi. Nga rohe oBoundaries. te whenua ka timata ke te ruri nui o te Kuini ki Keretaone ka ahu whaka terawhiti kotahi tekau nga takotoranga tini ruri-whenua ka koki i reira ka ahu atu ki Waiohine ka puta ki Waiohine ka ahu ki runga i roto i te wai puta noa ki te ruri nui o te Kuini, mau rawa mai ra te ruri o te Kuini puta noa ki tona timatatanga ano. Heoi kua oti i a matou te hurihuri te mihi te poroporoaki te tino tuku rawa atu i tenei kainga o o matou tupuna tuku iho ki a matou i tenei ra e whiti nei hei kainga pumau tonu iho ki a Wikitoria te Kuini o Ingarangi a ake tonu atu. A mo to matou whakaaetanga ki nga tikanga katoa o tenei pukapuka kua tuhia iho e matou o matou ingoa me o matou tohu. A mo te whakaaetanga e te Kuini o Ingarangi mona ki nga tikanga katoa o tenei pukapuka kua tuhia iho te ingoa o te Makarini te Kai Whakarite whenua o te Kawanatanga o Nui Tireni.

Donald McLean,
Land Comr.
Pehi Tutepakihirangi.
Hori Karaka Taha.
Wiremu Kingi Tutepakihirangi.
Matiaha.

Nga kai titiro—

G. S. Cooper, J.P., District Commissioner.
Manihera te Rangitakaiwaho.

page 324

Kua riro mai ki a matou i tenei ra i te tahi tekau (10th) o nga ra o Hepetema i te tauReceipt for £75. o to tatou Ariki 1855 nga pauna moni e whitu tekau ma rima, na te Kupa i homai ki a matou. Ko te utu tenei i whakaritea ai kia homai ki a matou mo to matou wahi whenua i tukua e matou ki a Wikitoria te Kuini o Ingarangi ki nga Kingi Kuini ranei o muri iho i a ia ake tonu atu. Kua oti nga tikanga katoa o tenei tuku whenua te tuhituhi ki runga. Kaore ano nga utu i homai ki a matou i te takiwa i tukua ai.

Wiremu Kingi.
Hori Karaka Taha.
Pehi te Huahua.
Matiaha te Parata.
Makareta Wiato.

Nga kaititiro ki tenei homaitanga mo me enei tuhinga ingoa—

Manihera te Rangitakaiwaho, J.P.
Wiremu Tutere Wakahaurangi.