Whakataki Reserve Block (Puketoi), Wairarapa District.
Tenei pukapuka tuku whenua e tuhituhia nei i tenei ra i te
iwa (9) o nga ra o Hanuere1855. 9 January.Wairarapa District. i te tau o to tatou Ariki 1855. He pukapuka tino whakaae pono na matou
na nga rangatira me nga tangata o Ngatikahungunu e mau nei nga ingoa ki tenei
pukapuka mo matou mo a matou whanaunga me o matou uri katoa e whanau i muri
iho i a matou kiaWhakataki Reserve. tino tukua rawatia tetahi wahi o to matou kainga ki a Wikitoria te
Kuini Ingarangi ki nga Kingi Kuini ranei o muri iho i a ia a ake tonu atu.
A mo to matou whakaaetanga kia tino tukua rawatia tetahi wahi o to matou
kainga e whakaae ana hoki a Wikitoria te Kuini o Ingarangi mona kia utua matou
ki ngaReceipt for £200. pauna moni e rua rau takitahi (£200) ko aua moni kua riro mai ki a
matou i tenei ra na te Makarini i homai.
Ko Whakataki te ingoa o tenei wahi ara ko te tuarima o nga wahi i puritia e
matou i te hokonga o te whenua ki Rangiwhakaoma i te tau 1853 Ka timataBoundaries. te rohe o te whakarua ki Awahuri puta noa ki uta ki Pakohai puta noa
ki te Wakaaroha ka ahu whakatemoana ki te Waiwai. Otira ko to matou hiahia e
whakaae ai matou kia hokona tenei wahi koia tenei he mea kia whakamutua nga
ritenga maori mo runga i taua whenua kia riro i a te Kuini kia marama ai to
matou hoko i nga wahi mo matou o roto o taua whenua ki runga hoki i te ritenga
hoko whenua o te Kawanatanga o Nui Tireni. Ma matou e hoko nga wahi mo matou i
roto i tenei tau (i 1855) i tera tau hoki (i 1856) a taea noatia te toru o nga
tau (1857) ka waiho tonu taua wahi hei hokonga mo matou. Heoi kua oti i a
matou te tino tuku rawa atu i tenei kainga o o matou tupuna tuku iho ki a
matou me ona rakau me ona wai me ona mea katoa ki runga ranei o te whenua ki
raro ranei o te whenua i tenei ra e whiti nei hei kainga pumau tonu iho ki a
Wikitoria te Kuini o Ingarangi a ake tonu atu. A mo to matou whakaaetanga ki
nga tikanga katoa o tenei pukapuka ka tuhia iho o matou ingoa me o matou tohu
ki Rangiwhakaoma i te ra kua oti te tuhituhi ki runga. A mo te whakaaetanga o
te Kuini o Ingarangi mona ki nga tikanga katoa o tenei pukapuka ka tuhia iho
te ingoa o te Makarini te Kai whakarite whenua o te Kawanatanga o Nui Tireni.
Donald McLean, Comr.
page 322
Pehimana Kaha.
Hori Karaka.
Wiremu Paraone Manini x.
Te
Wirihana Oioi x.
Karamana Kiki x.
Maraea Te Ngaru x.
Iraia
Taruru x.
Te Hapuku Te Ika o te moana n x.
Nga kai titiro ki tenei homaitanga moni me enei tuhinga ingoa—
J. D. Ormond, Settler,
Wairarapa.
G. S. Cooper, District Commissioner.