Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

[Hikawera and Taratahi Block]

[i roto i te reo Māori]

Tenei pukapuka tuku whenua e tuhituhia nei i tenei ra i te rua tekau ma waru (28) o1854. 28 December.Wairarapa District. nga ra o Tihemai te tau o to tatou Ariki kotahi mano e waru rau e rima tekau ma wha (1854) He pukapuka tino whakaae pono na matou na nga rangatira me nga tangata o Ngatikahungunu e mau nei nga ingoa ki tenei pukapuka mo matou mo o matouHikawera And Taratahi. whanaunga me o matou uri katoa e whanau ki muri iho i a matou kia tino tukua rawatia tetahi wahi o to matou kainga ko Hikawera raua ko Taratahi ona ingoa nui ki a Wikitoria te Kuini o Ingarangi ki nga Kingi Kuini ranei o muri iho ia ia a ake tonu atu.
A mo to matou whakaaetanga kia tino tukua rawatia tenei wahi o to matou kainga e
Receipt for£600
Received cash
30 Nov., 1854200
Balance due
Jan., 1856650
£1,450
whakaae ana hoki a Wikitoria te Kuini o Ingarangi mona kia utua matou ki nga pauna moni Kotahi mano e wha rau e rima tekau (£1450) E rua rau pauna (£200) o aua mohi kua riro i a Wiremu Kingi Tutepakihirangi raua ko Hiko te Tati i Poneke i te toru tekau o nga ra o Nowema 1854 E ono rau pauna (£600) o aua moni kua riro mai ki o matou ringaringa i tenei ra na te Makarini i homai E ono rau e rima tekau pauna (£650) ka homai ki a matou i roto i nga ra o Hanuere i te tau 1856 Ko te utunga whakamutunga tenei ki a matou mo tenei wheinua.
Ka timata te rohe ki te Ahere ki te rohe o te whenua i tukua ki a te Kuini i teBoundaries. tuatahi ka rere ki roto i te awa i Waiohine puta noa ki Ruamahanga ahu whakarunga i roto i te wai o Ruamahanga puta noa ki Taipu katahi ka piki ki uta mau rawa atu ki Parinuiokuaka mau rawa atu ki Taumataotao mau rawa atu ki te Rewa mau rawa atu i Whakarei ka rere ka heke ki Wainga awa ka ahu whakarunga i roto i Wainga awa mau rawa atu ko te Hanga o Hiangatangata ka rere i runga i te roke o te whenua i tukua ki a te Kuini i te tuatahi mau rawa atu ki te Ahere ka tutaki nga rohe ikoha i roto i te Wai o Waiohine.
Kotahi anake te wahi mau i roto i enei rohe ko te wahi i waenganui o te Para rauaNative reserve. [100 acres.] ko Waitangi hei turanga whare mahinga tuna ekore tenei wahi e nui ake i te kotahi rau (100) eka. Heoi ano te wahi e mau ana e matou kahore tetahi wahi ke atu kia purutia e matou i roto i tenei whenua kore rawa kore rawa.

Heoi kua oti i a matou te hurihuri te mihi te poroporoaki te tino tuku rawa atu i tenei kainga o o matou tupuna tuku iho ki a matou me ona awa me ona manga me ona roto me ona wai me ona rakau me ona otaota me ona kohatu me ona wahi pari me ona wahi mania me ona wahi ataahua me ona wahi kino me ona mea katoa ki runga ranei o te Whenua ki raro ranei o te whenua me nga aha noa iho o taua whenua ka oti i a matou te tino tuku rawa atu i tenei ra e whiti nei he whenua pumau na matou ki a Wikitoria te Kuini o Ingarangi ki nga Kingi Kuini ranei o muri iho i a ia a ake tonu atu.

page 320

A mo to matou whakaaetanga ki nga tikanga katoa o roto o tenei pukapuka ka tuhia iho e matou o matou nei ingoa me o matou tohu.

A mo te whakaaetanga o te Kuini o Ingarangi mona ki nga tikanga katoa o roto o tenei pukapuka ka tuhia iho nei te ingoa o te Makarini te Kai Whakarite Whenua o te Kawanatanga o Nui Tirena.

Te Rangirurupuni x.
Mohi te Matorohanga x.
Raniera te Ngahu x.
Terina Paremata.
Tamoe.
Pirihira.
Pahoro.
Matiaha.
Matini Warahi.
Hori Kara taha.
Hori te Hunga.
Ko Pehi Tutepakihirangi.
Riwai Tamati.
Manihera te Rangitakaiwaho.
Wiremu Kingi Tutepakihirangi.
Eruera te Roto.
Te Waka Tahuahi x.
Te Kepa Pohuera x.
Hohaia te Rangi x.
Pirika Po x.
Tamati te Rou x.
Te Whaitere Takarawaho x.
Te Rei te Kahui x.
Eraita te Heru x.
Miriama Piripi x.
Hemi Matiaha 8 years of age x.
Ruka te Rangirurupuni 9 yrs. x.
Matene te Manga.

Nga kai-titiro ki tenei homaitanga utu me enei tuhinga ingoa—

G. S. Cooper, J.P., District Commissioner.
Archibald Gillies, Settler, Wairarapa.