Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

[Te Karamu Block]

[i roto i te reo Māori]

Tenei pukapuka tuku whenua e tuhituhia nei i tenei ra i te rua tekau ma whitu (27) o nga ra o Tihema i te tau o to tatou Ariki kotahi mano e waru rau e rima tekau ma1854. 27 December.Wairarapa District.Te Karamu. wha (1854) He pukapuka tino whakaae pono na matou na nga rangatira me nga tangata o Ngatikahungunu e mau nei nga ingoa ki tenei pukapuka mo matou mo o matou whanaunga me o matou uri katoa e whanau i muri iho i a matou kia tino tukua rawatia tetahi wahi o to matou kainga (ko te Karamu tona ingoa nui) ki a Wikitoria te Kuini o Ingarangi ki nga Kingi Kuini ranei o muri iho i a ia a ake tonu atu.
A mo te matou whakaaetanga kia tino tukua rawatia tenei wahi o to matou kaingaReceipt for £400. e whakaae ana hoki a Wikitoria te Kuini o Ingarangi mona kia utua matou ki nga pauna moni e wha rau takitahi (£400) kua riro mai nei ki a matou ringaringa i tenei ra na te Makarini i homai kia kitea ra ano te ahua o te whenua me nga wahi purutia ana e matou hei reira whakaarohia ai he ritenga mo etahi atu utu ki a matou.
Ka timata te rohe ki Kahurangi ka rere i roto i te wai o Ruamahanga puta noa kiBoundaries. te Whare-o-te-Wawau ka rere ki uta ki Kaimatarau mau rawa atu ki te Puketahi mau rawa atu ki te Waikoukou ka rere ki Ruamahanga ka kere ki roto i te wai o Ruamahanga ka tae ki Makirikiri ka rere ki te Rautawhiri ka rere ki Ohinewhainurangi ka rere ki te Ahoroa katahi ka rere ki roto ki te awa ki Waingawa ka mau ki te Maire ka mau ki te Pokohiwi puta noa ki Tikoro ko te rohe tenei i a te Kuini katahi ka rere ki page 318uta ka mau ki Taumata-o-nga Rongoaia ka whai tonu i te ara hoiho mau rawa atu ki Ahineporete ka rere ki Iho o te Matangi ka mau ki Kere ka mau ki te Rimu ka mau ki te Ngakau-o-Rangitauira ka mau ki Kaikonohi ka mau ki a te Hiha ka mau ki Taumata-o-Tau whakamau atu ki Kahurangi ka tutaki ki reira.
Native reserve at Taratahi. Ko te wahi e whakatapua ana mo matou ko te ngaherehere ko Taratahi te ingoa. Heoi kua oti i a matou te hurihuri te mihi te poroporoaki te tino tuku rawa atu i tenei kainga o o matou tupuna tuhu iho ki a matou me ona awa me ona manga me ona roto me ona wai me ona rakau me ona otaota me ona kohatu me ona wahi pari me ona wahi mania me ona wahi ataahua me ona wahi kino me ona mea katoa i runga ranei o te whenua i raro ranei o te whenua me nga aha noa iho o taua whenua ka oti rawa i a matou te tino tuku rawa atu i tenei ra e whiti nei he whenua pumau na matou ki a Wikitoria te Kuini o Ingarangi ki nga Kingi Kuini ranei o muri iho i a ia a ake tonu atu.

A mo to matou whakaaetanga ki nga tikanga katoa o tenei pukapuka ka tuhia iho nei e matou o matou ingoa me o matou tohu a mo te whakaaetanga o te Kuini o Ingarangi mona ki nga tikanga katoa o tenei pukapuka katuhia iho nei te ingoa o te Makarini te Kaiwhakarite Whenua o te Kawanatanga o Nui Tireni.

Donald McLean,
Land Commissioner.

Hamiora Pakaiahi.
Namana.
Henare Amio.
Maikara te Koha.
Hanita Titi.
Eramiha Patupuke.
Haratiera te rahui.
Manahi Putaitai.
Ngatuere Tawhao x.
Inia te Haruru x.
Paora Powhatu.
Nopera Tiki.
Wiremu Hopihona.
Kingi Tawhao x.
Paratene te Okowhare x.

Nga kai titiro ki tenei homaitanga utu me enei tuhinga ingoa—

G. S. Cooper, District Commissioner.
Manihera te Rangitakaiwaho, J.P., Wairarapa.
Wiremu Kingi.
Wm. Chalmers, Resident, Wairarapa.