Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Paeroa Block (Part of Captain Smith's Run), Wairarapa District

Paeroa Block (Part of Captain Smith's Run), Wairarapa District.

1854. 27 December.Wairarapa District.Paeroa. (Part Smith's Run.)Tenei pukapuka tuku whenua e tuhituhia nei i tenei ra i te rua tekau ma whitu (27) o nga ra o Tihema i te tau o to tatou Ariki kotahi mano e waru rau e rima tekau ma wha 1854. He pukapuka tino whakaae pono na matou na nga Rangatira me nga tangata o Ngatikahungunu e mau nei nga ingoa ki tenei pukapuka mo matou mo a matou whanaunga me o matou uri katoa e whanau mai i muri iho i a matou kia tino tukua rawatia tetahi wahi o to matou kainga ko Paeroa tona ingoa nui ki a Wikitoria te Kuini o Ingarangi ki nga Kingi Kuini ranei o muri iho i a ia a ake tonu atu.
Receipt for£300
Received cash
27 Dec., 1853200
£500
A mo to matou whakaaetanga kia tino tukua rawatia tenei wahi o to matou kainga e whakaae ana hoki a Wikitoria te Kuini o Ingarangi mona kia utua matou ki nga pauna moni e rima rau takitahi (£500) E rua rau pauna (£200) kua riro i a matou i Poneke i te rua tekau ma whitu (27) o nga ra o Tihema i te tau 1853.

E toru rau pauna (£300) kua riro mai ki o matou ringaringa i tenei ra na te Makarini i homai ko te utunga whakamutunga tenei ki a matou mo taua wahi mo Paeroa, kaore he utunga a muri ake nei.

Boundaries. Ka timata te rohe ki te Upokopakira ka rere ki te Mangakaiahinu mau rawa atu ki te Tawha mau rawa atu ki Papahikurangi rere noa i te tahataha o te Uhiroa mau rawa atu i te Pihanga mau rawa atu i te Whangai o moengi mau rawa atu ki Atakanga o te muru ahi mau rawa atu i te Kopura mau tonu i roto Whangaehu puta noa ki Huangarua rere noa i Huangarua puta noa ki Kaikanohi.

Heoi kua oti i a matou te hurihuri te mihi te poroporoaki te tino tuku rawa atu i tenei kainga o a matou tupuna tuku iho ki a matou me ona awa me ona manga me ona roto me ona wai me ona rakau me ona otaota me ona kohatu me ona wahi pari me ona wahi mania me ona wahi ataahua me ona wahi kino me ona mea katoa ki runga ranei o te whenua ki raro ranei o te whenua me nga aha noa iho o taua whenua ka oti rawa nei i a matou te tino tuku rawa atu i tenei ra e whiti nei he whenua pumau na matou ki a Wikitoria te Kuini o Ingarangi ki nga Kingi Kuini ranei o muri iho i a ia a ake tonu atu.

A mo to matou whakaaetanga ki nga tikanga katoa o roto i tenei pukapuka ka tuhia iho e matou o matou ingoa me o matou tohu.

A mo te whakaaetanga o te Kuini o Ingarangi mona ki nga tikanga katoa o roto o tenei pukapuka ka tuhia iho te ingoa o te Makarini te Kai Whakarite whenua o te Kawanatanga o Nui Tireni.

Donald McLean,
Land Commissioner.
Ngairo Takatakaputea x.
Karauria te Rehe.
Wiremu te Weu.
Natanahira te Kawai.
Penerope Hihiroa x.
Ko te Ao x.
Hoana Huripoki x.
Hemi Pihao x.
no pera tiki.
Matenga Kairahui x.
Raharuhi te Koriki x.
Ahitana Wakatohe x.
Manihera te Rangitukaiwaho.
Hori Karaka Taha.
Wiremu Tutere Wakahaurangi.

Nga kai-titiro ki tenei homaitanga utu me enei tuhinga ingoa—

Wm. Chalmers, Resident, Wairarapa.
R. Wilson, Settler, Wairarapa.
G. S. Cooper, District Commissioner.

page 317