Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Kahutara Block (Part of Bidwill's Run), Wairarapa District

Kahutara Block (Part of Bidwill's Run), Wairarapa District.

1854. 5 DecemberWairarapa District.Kahutara. (Part Bidwill's Run.)Tenei pueapuka tuku whenua e tuhituhia nei i tenei ra, i te rima o nga ra o Tihema i te tau o to tatou Ariki Kotahi mano e waru rau e rima tekau ma wha 1854. He pukapuka tino whakaae pono na matou pa nga Rangatira me nga tangata o Ngatikahungunu e mau nei nga ingoa ki tenei pukapuka, mo matou mo o matou whanaunga me o matou uri katoa e whanau i muri iho i a matou kia tino tukua rawatia tetahi wahi o to matou kainga ki a Wikitoria te Kuinio Ingarini ki nga Kingi Kuini ranei o muri iho ia ia ake tonu atu.
Receipt for £650. A mo to matou whakaaetaanga kia tino tukua rawatia tenei wahi o to matou kainga, e whakaae ana hoki a Wikitoria te Kuini o Ingarini mona kia utua matou ki nga pauna moni e ono rau e rima tekau takitahi (£650) ko aua moni kua riro mai ki a matou i tenei ra na te Makarini i homai.
Boundaries.Right of road ceded. Ka timata nga rohe o to whenua ki te taha awa o Ruamahanga kei te Hopai, ka rere ki te Ikarua, ki rere i roto i te ngaherehere ka tae ki te Karaka-o-te-Aromau ka rere ki Wainuiomataka ahu Whaka te rawhiti mau rawa atu ko Taumata-o-te-Ruruku ka rere ki Kopuranui ka kokiritia i reira mau rawa atu ko te Waipakura mau rawa atu ko te Kopuru mau rawa atuko Mangawhetu mau rawa atu ki te ritenga whaka te tonga o te kainga o Pikiwhara (Bidwill) ka ahu whakatemauru mau rawa atu ki Apori haere Mangatete, te Ruahine ko te rohe tenei o te whenua i tukua e nga tangata Maori ki a te Kuini i tera tau, ka whai tonu i taua rohe puta noa ko Tuakipuku, mau rawa atu ki Whakahemate rere tonu ki roto ki te Hopai tutaki noa ki te Ikarua. Ko nga ara putanga mo matou tahi ko nga pakeha ka whakaaetia e matou kia waiho hei ara haereerenga ake tonu atu.

Heoi, kua oti i a matou te hurihuri te mihi te poroporoaki te tino tuku rawa i tenei kainga o a matou tupuna tuku iho ki a matou me ona awa me ona manga me ona roto me ona wai me ona rakau me ona otaota me ona kowhatu me nga mea katoa i runga ranei o te whenuai raro ranei o te whenua me nga aha noa iho o taua whenua kua oti i a matou te tino tuku rawa atu i tenei ra e whiti nei a ake tonu atu.

A mo to matou whakaaetanga ki nga tikanga katoa o tenei pukapuka kua tuhia iho o matou ingoa me o matou tonu.

Na Wiremu Tutere Wakahaurangi.
Hiko Te Taati x.
Hohaia te Rangi x.
Ngatuere Tawhao x.
Wi Kingi Tutepakihirangi.

Nga Kai-titiro ki tenei homaitanga utu me enei tuhinga ingoa, tohu hoki—

G. S. Cooper, District Commissioner.
C. R. Bidwill, Settler, Wairarapa.

page 315