Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Kuhangawariwari Block, Wairarapa District

Kuhangawariwari Block, Wairarapa District.

Tenei pukapuka tuku whenua e tuhituhia nei i tene i ra1854. 11 January.Wairarapa District.Kuhangawariwari i tekau ma tahi o nga ra o Hanueri i te tau o to tatou Ariki kotahi mano e waru rau e rima tekau ma wha 1854 He pukapuka tino wakaae pono na matou na nga Rangatira me nga tangata o Ngatikahungunu e mau nei nga ingoa ki tenei pukapuka mo matou mo n matou whanaunga me o matou uri katoa e whanau i muri iho i a matou kia tino tukua rawatia tetahi wahi o to matou Kainga ki a te Wikitoria te Kuini o Ingarini ki nga Kingi Kuini ranei o muri iho i a ia ake tonu atu.
A mo to matou whakaaetanga kia tino tukua rawatia tenei wahi o to matou Kainga
Receipt for£1,000
Received cash— 14 Oct., 1853300
£1,300
e wakaae ana hoki a Wikitoria te Kuini o Ingarini mona kia utua matou ki nga Pauna moni Kotahi mano e rima rau £1500. E toru nga rau £300 o aua moni kua riro mai ki a matou i te kotahi tekau ma wha 14 o nga ra o Oketopa 1853. Kotahi te mano takitahi o aua moni kua riro mai ki a matou i tenei ra na te Makarini i homai. E rua rau £200 takitahi o aua moni ki te utu whakamutunga mo taua whenua ka homai i nga ra o Hanueri i te tau o to tatou Ariki 1855.
Ka timata nga rohe ki Waingawa mau noa atu ki Taumata o te Waihirere tomoBoundaries. noa i te Ngongototara puta noa atu i te Aaratawa ka puta ki Kuhangawariwari mau rawa atu ki te Rongo o mahina mau noa atu ki Mamaukarua ka makere ki roto ki Waipoua ka ahu ki raro o Waipoua mau noa atu ko te Rapakura ka makere ki Ruamahanga ka ahu ki runga o Ruamahanga mau noa atu ko Taumata o te Rangitumomota mau rawa atu ko Hawaiki mau rawa atu ko Tokaahaumea mau rawa atu ko te Kotukutuku mau rawa atu ko Tikapua mau rawa atu ko te Kauru o Hau, ka ahu mai ki te Tonga, mau noa atu ko te Kauru o Waingawa ka rere mai i roto i Waingawa mau noa atu ki te Taumata o te Waihirere ka tutaki nga rohe i konei. Ko te wahi anake i wakaritea mo te Pihopa e wakatapua ana ki roto o tenei tukunga. Ko tetahi wahi hoki e wakahokia mai ki a matou amua kia kotahi te mano 1000. o nga eka he ngakinga kai hei nohoanga hoki mo matou. Heoi nga wahi mo matou.

Heoi kua oti i a matou te hurihuri te mihi te poroporoake te tino tuku rawa i tenei kainga o a matou tipuna tuku iho ki a matou, me ona awa, me ona manga, me ona roto, me ona wai, me ona rakau, me ona otaota, me ona kohatu, me ona wahi parae me ona wahi ataahua, me ona wahi kino, me nga mea katoa, ki runga ranei o te whenua, ki raro ranei o te whenua, me nga aha noa iho o taua whenua ka oti rawa i a matou te tino tuku rawa atu i tenei ra e witi nei he whenua pumau na matou ki a Wikitoria te Kuini o Ingarini ki nga Kingi Kuini ranei o muri iho i a ia ake tonu atu.

A mo to matou wakaaetanga ki nga tikanga katoa o roto i tenei pukapuka ka tuhia iho e matou o matou ingoa me o matou tohu.

A mo te wakaaetanga o te Kuini o Ingarini mona ki nga tikanga katoa o roto i tenei pukapuka ka tuhia iho e te Makarini te Kai wakarite whenua o te Kawana o Nui Tireni tona ingoa.

Donald McLean,
Land Commissioner.

Manihera Rangitakaiwaho.
Ihaia te Wakairu.
Ko Wiremu Waka.
Te Ropiha te Waitai x.
Wiremu Kingi Tamawhiti x.
Mimoma te Rangi.
Ihaka te Ao x.
Paora Rawhatu.
Te Koroneho.
Renata Kaiwaewae x.
Piriki Pou x.
Hapiata Ohau x.
Hanita Titi.
Tamihana Kawhanga x.
Tamati Hapimana.
Ripeka Ngahe x.
Te Wharenui x.
Katerina Tokitahi x.
Ko Nini.
Te Kete x.
Horomona Paraweke.
Ko Poti x her mark.
Matini Warahi.
Hanetaka.
Na Ihaka Watarau.

Nga kai-titiro ki enei homaitanga utu me enei tuhinga ingoar

Wm. Kirton, Minr. Scotch Church, Wellington.
John McBeth, Merchant, Willis St., Wellington.
John P. Russell, Settler, Wangai Moana, Wairarapa.Purvis Russell, Sheepfarmer, Ahuriri.

page 310