Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Ahiaruhe Block, Wairarapa District

Previous Section | Table of Contents | Up | Next Section

Ahiaruhe Block, Wairarapa District.

1854. 4 JanuaryWairarapa District.Tenei pukapuka tuku whenua i tuhituhia nei i tenei ra i te wha 4 o nga ra o Hanueri i te tau o to tatou Ariki kotahi mano e waru rau e rima tekau ma wha 1854. He pukapukaAhiaruhe. tino wakaae pono na matou na nga Rangatira me nga taugata o Ngatikahungunu e mau nei nga ingoa ki tenei pukapuka mo matou mo a matou whanaunga me o matou uri katoa e whanau i muri i a matou kia tino tukua rawatia tetahi wahi o to matou kainga ki a Wikitoria te Kuini o Ingarini ki nga Kingi Kuini ranei o muri iho i a ia ake tonu atu. A mo to matou wakaaetanga kia tino tukua rawatia tenei wahi o to
Receipt for£250
Received cash—22 Dec, 1854250
£500
matou kainga e wakaae ana hoki a Wikitoria te Kuini o Ingarini mona kia utua matou ki nga Pauna moni E rima rau (£500) takitahi. E rua rau e rima tekau £250 o aua moni kua riro mai ki a matou i tenei ra na te Makarini i homai. E rua rau e rima tekau £250 ko te utu wakamutunga kia homai ki a matou i nga ra o Hanueri i te tau o to tatou Ariki 1855.
Boundaries. Ka timata te rohe ki Ponatahi ka ahu wakatatonga mau rawa atu ki Okora mau rawa atu ko Mahanui mau rawa atu ki te tukunga o Ngairo ki Upokopakira ka rere i te taha tonu o te rohe o Ngairo puta noa ki Tokatu moana, ka ahu waka te rawhiti puta noa ki te Tawa rere noa ki Taiapua ka rere ki te Koau ka rere ki Makahakaha rere tonu i roto i Makahakaha wakatemauru puta rawa atu ki Ruamahanga mau rawa atu ko te Kauaparera mau rawa atu ko te Waituhi puta noa ki Punoa mau rawa atu ki Tauranga Mohiki puta noa ki Ruamahanga puta noa ki Ponatahi.

Heoi kua oti i a matou te hurihuri te mihi te poroporoaki te tino tuku rawa i tenei kainga o a matou tipuna tuku iho ki a matou me ona awa, me ona manga, me ona roto, me ona wai, me ona rakau, me ona otaota, me ona kohatu, me ona wahi parae, me ona wahi ataahua, me ona wahi kino, me nga mea katoa ki runga ranei o te whenua ki raro ranei o te whenua, me nga aha noa iho o taua whenua ka oti rawa i a matou te tino tuku rawa atu i tenei ra e witi nei he whenua pumau na matou ki a Wikitoria te Kuini o Ingarini ki nga Kingi Kuini ranei o muri iho i a ia ake tonu atu.

A mo to matou wakaaetanga ki nga tikanga katoa o roto i tenei pukapuka ka tuhia iho e matou o matou ingoa me o matou tohu.

A mo te wakaaetanga o te Kuini o Ingarini mona ki nga tikanga katoa o roto ki tenei pukapuka ka tuhia iho e te Makarini te Kaiwhakarite whenua o te Kawana o Nui Tireni tona ingoa.

Donald McLean, Land Commr.
Wiremu Kingi Tutepakihirangi.
Henare Amio.
Kenehi Parihi.
Natanahira te Nguhax his mark.

Nga kai-titiro ka enei homaitanga utu me enei tuhinga ingoa—

John P. Russell, Settler, Wangai Moana, Wairarapa.
Archd. A. MacInnes,

Wellington.

Sidney Mason,

Grovernment Messenger, Wellington. page 305

Kua riro mai ki a matou i tenei ra i te rua tekau ma rua 22 o nga ra o Tihema i te1854. 22 DecemberReceipt for £250. tau 1854 nga pauna moni E rua rau e rima tekau £250 ko te utu wakamutunga rawatanga tenei i wakaaetia ki roto ki tenei pukapuka kia utua mai ki a matou i nga ra o Hanuere 1855 mo to matou whenua kua oti nei te hoko ki a te Kuini o Ingarini e mau nei nga ingoa o nga rohe ki tenei pukapuka.

Iri Pirihita Poti x.
Turuhira Kararupe.
Kapariera x.
Henare Amio.
Kerehoma Tahae 4 yrs old x.
Tope Hape x.
Rihara te Awhioa x.
Aperahama Ngapou x.
Waterau.
Miriama Tarekoa x.
Eramiha Patupuke.
Natanahira te Nguha x.
Heta Toro x.
Maikara Tekoha.
Ripeka Wakaau x.
Koroniria te Aputonga x.
Na Mana.
Ko Miriama Piripi's wife x.
Wi Kingi Tutepakihirangi.
Ngatuere Tawhao x.

Nga kai-titiro—

James Henry

Northwood, Settler, Ahiaruhi, Wairarapa.

John P. Russell,

Settler, Wairarapa.

Previous Section | Table of Contents | Up | Next Section