Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Waihora Block, Wairarapa District

Waihora Block, Wairarapa District.

1853. 28 November.Wairarapa District.Tenei pukapuka tuku whenua e tuhituhia nei i tenei ra i te rua tekau ma waru 28 oWaihora. nga ra o Nowema i te tau o to tatou Ariki kotahi mano e waru rau e rima tekau ma toru 1853 He pukapuka tino wakaae pono na matou na nga Rangatira o Ngatikahungunu e mau nei nga ingoa ki tenei pukapuka kia tino tukua tetahi wahi o to matou Kainga ki a Wikitoria te Kuini o Ingarini ki nga Kingi Kuini ranei o muri iho i a ia ake tonu atu. A mo to matou wakaaetanga tapu kia tino tukua to matou whenua e wakaae ana a Wikitoria te Kuini o Ingarini mona kia utua matou ki nga pauna moni EReceipt for £200. toru rau takitahi £300. E rua rau takitahi o aua moni kua riro mai kiBoundaries. a matou i tenei ra na te Makarini i homai. Kotahi te rau £100 ko nga utu wakamutunga ka homai ki a matou i nga ra o Mei 1854. Nga rohe o to whenua ka timata ki te Ngutuawa o Waihora puta noa ki Mangapokia rere tonu ki Ihutu, te Awa toetoe rere atu Tauokahukura rere atu ki Taheki o Ngatirangi rere atu ki Tuma a te hewenga rere atu ki Ihupiri ka rere ki te awa ki Takangaoinanga rere atu te Rorokoko rere atu Kahuminga rere atu Taueru ka ahu waka te tonga ki Waipaua ka ahu wakatetae ki Maumaupuha Ka rere ki Wainuioru ki te rohe o Piripi ka rere ki te Whererei, rere atu Makahakaha rere atu te Maniaotorokoia rere atu ki te Takangaonehu, ka rere ki te Umukaikore ka rere ki te Paopao ka taka ki te Ahiokaraka puta noa ki Waihoro. Heoi kua oti rawa i a matou enei whenua te tino hoko te tuku rawa atu me ona rakau me ona kowhatu me ona wai me ona otaota me nga aha noa iho o taua whenua i tenei ra e witi nei ki a Wikitoria te Kuini o Ingarini ki nga Kingi Kuini ranei o muri iho i a ia ake tonu atu. A mo to matou whakaaetanga ki nga tikanga o tenei pukapuka ka tuhia iho o matou ingoa me o matou tohu. A mo te whakaaetanga o Wikitoria te Kuini o Ingarini mona ki nga tikanga o tenei pukapuka ka tuhituhia iho e te Makarini te kai whakarite whenua o te Kawana o Nui Tireni tona ingoa.

Donald McLean,
Land Commissioner.

Te Wiremu Potangoroa x tana tohu.
Paora Potangoroa x tana tohu.
Renata te Ao x tana tohu.
Wiremu Paraone x tana tohu.
Eraihia te Moko x tana tohu.
Karamana Kiki x tana tohu.
Ihaka Takahiwai x tana tohu.
Hamuera te Ao x tana tohu.
Pehimana Kaha.
Hori Karaka.
Karaitiana Wahakai x tana tohu.
Te Manihera te Aomarere x tana tohu.
Te Koroneho te Awawa x tana tohu.
Nahona te Waimaringi x tana tohu.
Eruera te Potangoroa x tana tohu.
Piripi Wawahia x tana tohu.
Ripeka Nekewhare x tana tohu.
Maria te Ngaru x tana tohu.

Nga kai titiro ki enei homaitanga utu me enei tuhinga ingoa—

William H. Hunter, Settler, Castle point.
John T. Russell, Settler, Whangai Moana, Wairarapa.
John Munro, Castle Point.