1845. 22 March.Wairarapa District.Kote tuhituhinga o tenei pukapuka i te rua tekau ma rua o nga ra o Maehi i te tau kotahi mano waru rau wa tekau ma rima, Na matou, na nga Rangatira me nga tangata o Ngatikuhuhunu, Na te Potete hoki, na tetahi o nga kai tiaki o nga tangata maori, na teMaungaroa. tangata i tonoa mai e te Kawana hei kai whakariterite i ta matou pakanga ki te Ture aCompensation for robbery. te Kuini. Na ko matou, ko nga Rangatira me nga tangata o Ngatikuhuhunu e waki ana matou i ta matou he, kua he matou ki a Miti Pana, kua tangohia noatia ona taonga e matou, kua he ana hoki matou ki te ture a te Kuini, e mea ana, aua tetahi tangata e tahae ko te tino wahi nui tenei o ta matou kino ina hoki, kua takahia e matou te Ture a te Kuini. Na konei matou ka whakaae atu ai kia tukua rawatia atu tenei wahi wenua ki a Kuini Wikitoria, ki ano uri iho hoki, ake ake ake, hei utu, hei wakaritenga i ta matouBoundaries. pakanga ki tona ture. Ko nga kotinga enei o te wenua ka tukua nei, ka timata i Maungaroa, haere tika atu i reira ki te "Hikapu," a tika tonu atu ki "Rangiuru," a ka koni mai i reira, ka haere tonu mai i reira i tatahi; pa pu ki Mauugaroa Otira ko nga wahi katoa i roto i enei kotinga kua ngaki e nga tangata maori kia kapea, ma ratou ano e ngaki ki aua wahi e ngakia ana inaianei, Tenei ano hoki tetahi mea e whakaaetia ana e matou ka whakahokia katoatia nga hanga o Miti Pana e toe ana ki a matou, ara nga mea katoa kahore ano i ngaro Na ma te Kawana e mea ki a Miti Pana kia noho marie ia ki tenei kainga kua tukua nei, ekore rawa tetahi tangata e mea ki te tono utu i a Miti Pana mo tenei kainga a muri nei, ta te mea kua tukua nei tenei kainga ki a te Kuini hei utu mo ta matou he. A ki te haere a Miti Pana amua atu nei kia hoki ia ki tona wanaunga, a ka tonoa mai tetahi pakeha ke e te Kawana, hei noho i tona kainga, ekore matou e anga atu ki taua tangata ki te tono utu mo tenei wenua, kua tuhituhia ki roto ki tenei pukapuka, otira ka noho pai matou me taua pakeha ake tonu atu.