Maori Deeds of Land Purchases in the North Island of New Zealand: Volume Two
Nga wahi tapu
Nga wahi tapu.
Native reserves. Na mo ta matou tino wakamahuetanga rawatanga i o matou oneone katoa ki
a te Makarini mo nga Kawana o tenei Motu e wakaae ana a te Makarini i runga i
te mana wakariterite whenua e tukua mai nei e nga Kawana ki a ia kia Wakatapua
etahi wahi mo matou mo nga tangata Maori koia enei.
1. | Ko te tuatahi e wakaae ana a te Makarini kia mahia mai e matou nga tuna o nga roto i nga wahi katoa ekore e pakoho i nga pakeha ara i nga roto nunui ano i matau ai matou ki te mahi tuna. |
2. | Ko te tuarua e wakatapua ana te wahi iti i tanumia ai a te Kawana Hakeke i runga i te onepu i huaina ko te Akiaki ngahuru ma rua (12) nga eka o taua wahi otira e haere katoa nga kau o nga pakeha ki runga o taua wahi. |
3. | Ko te tuatoru. Ko te wahi i ruritia e te Paka kai ruri i wakaaetia tahitia e matou ko te Makarini ki Parewanui ko te rohe o taua wahi ki Upokotopia haere ki Mangaroa haere ki te Makari pakeru atu ki te wai o Rangitikei, kotahi pea mano e ono rau (1600) o nga eka o taua wahi. |
4. | Ko te tuawha. Ko nga ngakinga kai i roto i te rohe mo nga Pakeha ki te taha wakaraki o te awa o Rangitikei ara ki te ritenga mai o te Pa o te Awahou e waiho i nga wahi ekore e nohoia wawetia e nga Pakeha hei ngakinga hoki mo nga tangata Maori mo nga tau e toru hei reira ka tino wakamahuetia ai aua ngakinga katoa mo nga Pakeha. Te rangi hei wakamahuetanga ko te tahi tekau (10) o Maehe kotahi mano e waru rau e rima tekau ma rua 1852. |
5. | No te tuarima. Ko te Pa me nga ngakinga ki Turakina e rohea mai e te wai o Makirikiri ki tetahi taha e te ruritanga o te Paka ki tetahi taha e iwa pea rau (900) o nga eka o taua wahi. |
6. | Ko te tuaqno. Ko te wahi i karangatia e te Watarauhia kai wakaako ki Otukapo e rima tekau takitahi (50) nga eka o taua wahi hei nohoanga mahinga tuna mo nga tangata Maori. |
7. | Ko te tuawhitu. Ko tetahi wahi iti ki Waratuna ki te taha o nga karaka o Aperahama me tetahi wahi iti ki te taha e ngaki ai a Rihiona ko aua wahi e rua me waiho mo nga tau e rua a i te toru o nga tau me wakamahue rawa aua wahi mo nga Pakeha. Heoi rawa. Ko te wakamutanga tenei o nga wahi e wakatapua. Kahore page 211rawa he wahi ke e poka ai matou te noho ki roto i nga whenua kua riro tonu nei mo nga Pakeha. Ko nga ara ruri nui anake ki roto i matou whenua tapu katoa e whakaaetia e matou kia ruritia i nga wahi e rite ai te ruritanga o aua ara e karangatia ai e nga Kawana kia ruritia, he ara ano ia mo nga Pakeha katoa me nga tangata Maori hoki. |