Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Awa Hou No. 2 Block, Manawatu District

Awa Hou No. 2 Block, Manawatu District.

1859. 14 may.Manawatu District.Tenei Pukapuka tuku whenua i tuhituhia nei i tenei ra i te kotahi tekau ma wha 14th o nga ra o Mei i te tau o to tatou Ariki kotahi mano, e waru rau, e rima tekau ma iwa 1859. He pukapuka tino wakaae pono na matou na nga Rangatira, me nga tangata oAwa Hou No.2. Ngatiraukawa e mau nei nga ingoa ki tenei Pukapuka mo matou mo a matou whanaunga me o matou uri katoa e whanau i muri iho i a matou kia tino tukua rawatia tetahi wahi o to matou kainga ki a Wikitoria te Kuini o Ingarani ki nga Kingi Kuini ranei o muri iho i a ia ake tonu atu.
Receipt for£1,885
Received, 12 Nov., 1858400
Received, 3 Dec., 185850
£2,335
A mo to matou wakaaetanga kia tino tukua rawatia tenei wahi o to matou kainga e wakaae ana hoki a Wikitoria te Kuini o Ingarani mona, kia utua matou ki nga Pauna moni e rau mano e toru rau e toru tekau ma rima £2335 E wha rau pauna £400 o aua moni kua riro mai ki a matou i te tekau ma rua (12th) o nga ra o Noema 1858—Na te Herangi i homai—E rima tekau pauna £50 hoki o aua moni kua Homai e te Herangi ki a Ngatiapa i te toru o nga ra o Tihema 1858 Ko nga toenga—ara kotahi mano e waru rau e waru tekau ma rima kua homai e te Herangi ki a matou i tenei ra i te kotahi tekau ma wha o nga ra o Mei 1859.
page 175
Nga rohe o te whenua ka timata i "Kaiiwi" i te tai, ka haere ki "Oruakaitau," rere tonu atu, ka tika i waenganui o "Omarupapaku" ka puta ki te huarahi ki Moutoa rere tonu i runga i te huarahi tae ki "Pukehinau" rere tonu "Otekura" tika tonu atuBoundaries. ki te taha o te roto o "Ototara" ka puta ki "Pakengahau" ka makere ki roto ki "Manawatu" ka ahu whakararo i roto i "Manawatu" tae ki te "Puao" katahi ka haere i te tai ka tutaki ki "Kaiiwi" i te wahi i timatatia ai te rohe.
Ko nga wahi whenua o roto i enei rohe kua tukuna e matou ki a te Kuini i mua kei teReserves and grants. Raumatangi kei Wirokino kei Haumiaroa hoki, kahore e taka ki roto ki tenei hokonga. Ko tetahi wahi whenua hoki i te Awahou kua hoatu noatia atu e matou ki nga Tamariki hawe kaihi o te Kuka kua oti te wakaatu e Ihakara raua ko te Wereta nga rohe o taua wahi ki a te Herangi. Tetahi wahi whenua hoki kua hoatu e matou mo te Taukana (Revd. Mr. Duncan) e wa pea tekau (40) eka ki roto ki te wahi i wakaaturia e Ihakara ki a te Herangi ko enei wahi e rua e waiho ana e matou ma te Kawanatanga e wakaae e waka pumau atu ara te wahi ki nga Tamariki o te Kuka me te wahi mo te Taukana Kotahi hoki wahi i te "Awahou" e waiho ana e matou ma Ihakara raua ko Kereopa ko taua wahi kahore e nuku ake i te rua tekau (20) eka, ko nga tanumanga tupapaku hoki i Moutoa i te wakawehi e waiho ana e matou mo matou ano, ko te kainga o Nepia Taratoa i roto i tona taepa mona ano, ko te wahi iti ki te taha ki te Awahou i taua kainga mona e utu ki te rima pauna mo te Tekihana (¼ acre) Mo Kereopa ko te wahi ki waenganui o tona taepa i te kainga hoki o Nepia mana e utu ki te rima pauna mo Te Tekihana kotahi (¼ acre) ko te kainga i Moutoa mo te Wirihana mona e utu atu ki a te Kawanatanga ko tetahi wahi whenua me rahui ma matou ko nga rohe enei Ka timata i Manawatu i te Taeapa o te Kuku (Mr. Cook) rere tonu ki te pou Ihakara e tika tonu atu ki te Auwaituroa rere tonu ki te mutu i Manawatu ka ahu mai i roto i Manawatu ki Manawaru i konei ka ahu mai ano rere tika tonu mai ki Mukaka te mutunga o te Ngaherehere o Tapuiwaru a te taha tonu o taua Ngaherehere tae noa mai ki te Paretau a Manawatu.

Heoi kua oti i a matou te hurihuri te poroporoake te tino tuku rawa i tenei kainga o matou me ona awa me ona manga me ona roto me ona wai, me ona rakau me ona otaota me ona kohatu me ona wahi pari me ona wahi ataahua me ona wahi kino me nga mea katoa ki runga ranei o te whenua ki raro ranei o te whenua me nga aha noa iho o taua whenua, ka oti rawa i a matou te tino tuku rawa atu i tenei ra e witi nei he whenua pumau na matou ki Wikitoria te Kuini o Ingarani ki nga Kingi Kuini ranei o muri iho i a ia ake-tonu atu.

A mo to matou wakaaetanga ki nga tikanga katoa o roto i tenei pukapuka ka tuhia iho e matou o matou ingoa me o matou tohu.

A mo te wakaaetanga o te Kuini o Ingarani mona ki nga tikanga katoa o roto i tenei Pukapuka ka tuhia iho e te Herangi he kai whakarite whenua no te Kawana o Nui Tireni tona ingoa.

William N. Searancke,
Dist. Commr.

Takerei x tona tohu.
Hori te Wharoa x tona tohu.
Turau x tona tohu.
Paora Taurua x his mark.
Te Warihi Tahatiti.
Te Papa Nga Whariki x his.
mark.
Neri Puratahi.
Here Kuiha x his mark.
Nepia Taratoa x tona tohu.
Kuruho x tona tohu.
Aperahama te Huruhuru x.
tona tohu.
Nepia Tamaiti x tona tohu.
Horomona Toremi x.
Miratana.
Patoromu Te Raake x.
Te Teira Ngawanga x.
Heremia te Tuere.
Te Kerehama Te Whaharoa x.
Ihakara.
Paratene Taupiri.
Nirai Te Rautea x.
Ngahupa.
Anepeti.
Makarini.
Hekeratua x his mark.
Te Hapimana x his mark.
Te Wahakahehe.
Poutu x his mark.
Pitihira.
Riwai te Hiko x his mark.
Hemara te Mataaho x his mark.
Kereopa.
Henere Harawira.
Moroati.
Parakaia.
te Rei.
Hare Hemi.
Hema te Ao.
Kiharoa.
Ropata te Ao x.
Hoani Hakaraia.
Wiremu Hukiki.
Tamaianewa x his mark.
Manihera te Rau x his mark.
Renata te Roherohe x tona tohu
Hona Te Taeapa x his mark.
Harawira Teepa x his mark.
Te Watihi x his mark.
Arapere x his mark.
Hehe Te Kari x his mark.
Hoani te Puna x his mark.
Pini Haereawatea.
Henere. Waiatua.
Watanui.
Mohi.
Watene.
Porokoro x his mark.
Te Teira Putama x his mark.
Kingi te Ahoaho x his mark.
Horima te Wharemakatia.
Hori Taurere x tona tohu.
Epiha te Ruinui x tona tohu.
Hohua Taipari.
Te Hoia x tona tohu.
Tamihana Te Rauparaha.
page 176 Kawana Hunia x tona tohu.
Keremeneta Takaitemarama x
tona tohu.
Te Ao x tona tohu.
Hukiki x tona tohu.
Te Matenga tematia x tona
tohu.
Te Homarere te Puna.
Hoani Meihana.
Kerei te Puke x tona tohu.
Hoani Amorangi.
Wirihana Toatoa.
Matene te Whiwhi
te tata x.
Kohore x.
Meihana Wera.

Nga kai titiro ki enei homaitanga utu me enei tuhinga ingoa—

Richard Eagar, Settler, Otaki. James Grindell, Interpreter, N.L.P.D. Alexander Gray, Settler, Manawatu. John Ramsay, Wellington. Amos Birr x, Settler, Manawatu. Charles Henry Symons, Manawatu. Wiremu Pukapuka. Noah Rauhihi.