Statement in Maori of Contents of within Deed.
Maori précis.He pukapuka tenei i tuhia i te 19 o nga ra o Nowema 1875 He
Tohu kua Hokona rawatia e Ihakara Tukumaru e Hairuha te Hiwi, e Kereopa
Tukumaru, e Taruiha te Arawai, e Ereni Hutana, e Hohepa te Hana, e Renata te
Roherohe e Ropata te Ahua, e Natana Pipito me Patihona o Manawatu tangata Maori
ki a Kuini Wikitoria mo nga moni £876 . 17 . 6 kua hoatu e Te Kuini ki aua
kai-hoko, Tera whenua katoa 11,550 eka nui ake iti iho ranei ko te Ingoa ko
Manawatu-Kukutauaki Nama 3 kua oti te Tuhi nga rohe ki raro iho nei kua taia
hoki te mapi ki te kara whero: Engari e kapea ana ki waho o tenei hoko tera wahi
katoa kei te taha ki te Hauauru-ma-Raki o tetahi raina e timata ana ki tetahi
wahi i runga i te rohe ki te Marangai ma raki i te hononga ki taua rohe o te
rohe ki te Tonga o Manawatu-Kukutauaki Nama 1 ka rere atu i reira whaka te
Hauauru ma Tonga tae rawa atu ki te rohe ki te Raki o Manawatu-Kukutauaki No.
7a, te nui o taua wahi e wha mano eka kua oti te tohutohu ki runga ki te mapi
kua taia ki te kara kowhai: Engari e mau tonu ana ki te Kawana te mana ki te
Tango i nga whenua e tika ana kia tangohia hei rori hei rerewe ranei mo te katoa
i runga i te whenua kua kapea nei: Ko nga rohe o te whenua: Ki te Raki ki te
Rawhiti ko te awa o Manawatu ko Manawatu-Kukutauaki Nama 1 Nama 2e; ki te Tonga
ko Horowhenua; ki te Rato ko Manawatu-Kukutauaki Nama 7c, 7b, 7a, ko Takapu Nama
1, Nama 2, ko tetahi whenua i karaatitia ki a Kararaina Whawha, ko tetahi whenua
Maori ko Manawatu-Kukutauaki Nama 7f Nama 7g hoki.
T. E. Young,
Interpreter under "The Native Lands
Act, 1873."