Porirua Block, Porirua District.
Porirua 1st Aperira 1847.
1847. 1 April.Porirua District.
Ko nga wenua enei e tukua ana e matou mo Kawana timata mai i
te rone wakariteaPorirua e Te Pein i mua i Te Kenepuru, ka haere mai ki Porirua, Pauatahanui
Horokiri, a haere atu ki Wainui, katahi ka tika wakauta te rohe ki Pouawa, haere
rawa atu Pawakataka. E toru nga wahi i roto i nga rohe o te wenua e tukuna ana
mo Kawana, eThree Native reserves: waiho ana ki a matou; ka timata mai tetahi i Te Arataura, ka tika te
rohe ki uta, ka tahi ka peka, puta mai ki waho i te ware o Huri, ka tika tonu i
tatahi tetahi rohe haere1. noa mai ki Waitawa, a haere tonu atu i tatahi, tae noa ki te
Arataura—kei a matou ano2. tenei—Haere atu te rohe i te ware o Huri, ka haere atu ki te awa i te
taha o te mara o Te Hiko, ka tika i tera awa, haere tonu mai i tua o te Hiwi, ka
pakaru mai ki tatahi i Papakohai, i waho iti mai o te kainga o Oahu kei a matou
ano tenei—Ka timata3. tetahi rohe i Tawitikuri, ka haere i te hiwi, haere tonu ka tae ki te
ritenga o Te Kakaho, katahi ka peka wakauta, kei nga maka i tuhia ki te pukapuka
te rohe, ka tae ki te maunga i runga ake o Te Paripari, ka tika i runga i te
hiwi, haere tonu i runga i te hiwi ka tae ki Wainui, ka tahi ka heke ki roto ki
te awa o Wainui, ka tika i tera awa te rohe, ka tae ki Pouawa tika tonu atu i
reira ki Pawakataka,—ko te taha ki waho o tenei rohe kei a matou ano—ki te taka
a matou mara taewa i runga ake o Taupo ki roto i nga rohe a Kawana, me
wakahokimai era ki matou. Ko nga utu mo enei wenua,Total price, £2,000. koia enei, e rua mano nga pauna moni kotahi mano e homai a tenei rangi a
te tuatahi o nga ra o Aperira 1847—e rima nga rau a te tuatahi o nga ra o
Aperira 1848—e rima nga rau a te tuatahi o nga ra o Aperira 1849—huia enei ka
rua mano—eoi ano ka wakamutua.
Rawiri Kingi Puaha x his mark.
Na Henere Matene te Wiwi.
Na
Tamihana Te Rauparaha.
Te Watarauihi Nohorua x his mark.
Nopera Te
Ngiha.
Ropota Hurumutu x his mark.
Mohi Te Hua x his mark.
Paraone Toangina x his mark.
Witnesses to signatures—
W. A. McCleverty,
Lt.-Colonel. T. Armstrong, Captain, 99th Regt. L. R. Elliot, Lieut., 99th
Regt. W. F. G. Servantes, Lt., 6th Regt., Interpreter to the Forces.