Maori précis.He pukapuka tuku rawa atu tenei na nga tangata o Ngaruahine ki a Kuini Wikitoria i tera whenua katoa ko Ahuroa-Ratapiko-Manawawiri te ingoa. Ko te rohe ki te whakarua ko tetahi taha o te Huiroa paraka ko te rohe ki te rawhiti ko te raina pikopiko i te Huiroa paraka haere atu tae tonu atu ki umu Kiwi ki te awa o Manawawiri ki Kotarihanga tae tonu atu ki te awa o Patea. Ko te rohe ki te tonga ko te awa o Patea tae page 70tonu atu ki Kopuatama. Ko te rohe ki te rato ko tetahi raina titaha ki te whakarua i Kopuatama ka haere ka whiti i te awa o Mangaone ka haere tae tonu atu ki te Huiroa paraka ki te wahi tata ki Ruapekapeka. Ko te utu mo taua whenua katoa £1575. Heoi ko taua whenua katoa ka tukua whakareretia atu ki a Kuini Wikitoria ki aua uri ki nga Kingi ki nga Kuini i muri atu i a ia ake tonu atu.