1874. 19 February.Ngatimaru District.Kia mohio nga tangata katoa ko tenei pukapuka i tuhituhia i te tekau ma iwa o nga ra o Pepuere i te tau o to tatou Ariki kotahi mano e waru rau e whitu tekau ma wha ko matou ko nga Maori nga rangatira me nga tangata o te hapu o Ngatimaru o NgatituWaitara-Taramouku No. 2. hoki e mau nei nga ingoa ki raro nei kua whakaae matou ki te hoko ki te tuku rawatia atu nei te tino hoatu nei e matou ki a Wikitoria Kuini o Ingarani ki ona uri ki nga Kingi ki nga Kuini o muri atu i a ia taua wahi whenua katoa e huaina ko Waitara Taramouku e takoto nei te tuhituhi ona rohe katoa koia enei ka timata ki Okurakino kaBoundaries. [12,800 acres] haere ki roto i Waitara pikopiko tonu ki Aotawa rere tonu ki Maruroko rere tonu ki Otamariki rere tonu ki te Namunamu rere tonu ki Paritutu rere tonu ki Mangapureo i reira ka ahu i whakararo ka piki ki runga ki te tuawhenua ki te kahiwi rere atu ki Ratawaero rere atu ki Kaimiko ka tomo ki roto ki Kairoa whiti atu haere atu ki Hopurangi rere atu ki Meremere rere atu ki Taupo ka tomo ki Wharawhara haere tonu ki roto i taua wai tae tonu ki Taramouku rere tonu ki roto ki taua awa piko tonu tae tonu ki Komakotangiata ka huri i reira ki te tonga ka haere ki te Rata rere tonu ki Rewarewa rere tonu ki Poukaikatoa tae tonu ki Mangamoeahu ki Pakaitangata ka huri i reira ki te rawhiti haere tonu piko tonu ki roto ki Mangamoeahu ka tae ki te Aratawa ka huri ki reira ki te tonga tika tonu ki reira i runga i te raina ote whenua kua hokona ki te Kawanatanga haere tonu atu ki Okurakino ki te wahi i timata ai te rohe o taua whenua. Ko nga wahi enei kua rahuitia i roto i nga raina kua oti te tuhituhi nei i tenei pukapuka.Native reserves. Kei te Aotaua (330) e toru rau e toru tekau eka. Kei te Namunamu (½) hawhe eka he urupa. Kei Paritutu (½) hawhe eka urupa. Heoti ano nga wahi kua rahuitia mo matou ko nga korohita ahua, kakariki. Tenei ano te ahua o taua wahi whenua katoa kua oti te hanga ki te taha nei o tenei pukapuka. Ko te utu mo to matou paanga ki taua whenua kua whakaritea e Te Makarini kua whakaae hoki matou koia tenei e rua rau pauna (£200). Ko tenei moni kua riro mai ki a matou na Te KiraReceipt for £200. (Gill) i homai i tenei ra Heoi ano te utu mo to matou paanga ki taua whenua ko nga moni kua riro mai nei ki a matou i tenei ra. Na hei tonu mo to matou whakaaetanga ki nga ritenga o tenei pukapuka kua oti te tuhituhi nei ka tuhituhia e matou o matou ingoa nei.