1860. 24 February.Ngatimaru District.Kia mohia ra nga tangata katoa ki enei Pukapuka no tenei ra no te rua tekau ma wha o nga ra o Pepuere i te tau o to tatou Arikr kotahi mano e waru rau e ono tekau 1860 ko matou ko nga Rangatira Maori me nga Tangata Maori hoki o Nui Tirreni e man neiPekapeka. nga ingoa i raro nei hei whakaritenga mo nga pauna moni e ono rau (£600) kua utuaReceipt for £600. mai ki a matou e Parete mo te Kuini Wikitoria (a e whakaaetia nei e matou te rironga mai o ana moni) ko matou katoa ko ia tangata ko ia tangata a ko tenei Pukapuka te whakaaetanga ka Hoko nei ka Tuku nei ka Hoatu nei ki a Kuini Wikitoria ki ona uri ki nga Kingi Kuini ranei o muri iho i ia me ona e hoatu ai taua wahi whenua katoa ko Pekapeka te ingoa.

Boundaries. [900 acres.] ka timata kei te Piti, kei Onatiki ko ahu ki uta maro tonu tika tonu ki te Kohia, ki te huanui te ara kei te Mamaku ka tae ki reira ka ahu ki te Whakarua i runga i te ara kata ka tae ki Pukeruru ka heke ki Maungahakaia ki te taha o te Wai e huaina ko Mangahinau ka tae ki reira ka ahu ki Whakatai haere ki Opatito ki te Kahikatea e tu ana ki reira a ka haere tonu ki Arakauere ka tae ki reira ka ahu ki te Whakarua ki Pukekohe ki te papa ki uta o te Pa ka tae ki te pari ki te whakarua ka ahu ki whakatai i ruhga te pari ka tae ki te taiepa keri ki Mataiwhitu ka ahu kei te whakarua ka haere tonu ki te awa Waitara ka tae ki reira ka ahu ki whakatai ki roto i te Awa haere tonu ki te Kongutu ki te Piti ka tae ki reira ka ahu ki whakatonga haere tonu ki te Piti tae atu ki Onatiki ki te timatanga ano, Me nga Tikanga katoa me nga Mea katoa o taua whenua me te Tikanga me te Putake me te Panga me te Wahi me te Tononga o matou katoa o matou takitahi ranei e mau ake ne ki taua whenua A hei mau tonu taua whenua me ona mea katoa ki a te Kuini me ana e hoatu ai mo ake tonu atu.