1874. 3 March.Urenui District.Kia mohio nga tangata katoa ko tenei pukapuka i tuhituhi i te toru o nga ra o MaeheOnaero-Urenui-Taramouku. i te tau o to tatou Ariki kotahi mano e waru rau e whitu tekau ma wha ko matou ko nga Maori nga Rangatira me nga tangata o nga hapu o Ngatiuenuku o Ngatitupawhenua o Ngatirangi o Ngatiteuruwhakawai o Ngatimaru e mau nei nga ingoa ki raro nei kua whakaae matou ki te hoko ki te tukua rawatia atu nei te tino hoatu nei e matou ki a Wikitoria Kuini a Ingarani ki ona uri ki nga Kingi ki nga Kuini o muri atu i a ia taua wahi whenua katoa e huaina ko Onaero-Urenui e takoto nei te tuhituhi ona roheBoundaries. [36,000 acres.] katoa koia enei. Ka timata ki Onaero ki te kongutu awa o Mangapo haere tonu ki roto i Onaero piko tonu ki Mangatiti ki Pukemai ki Pouri ki Whakakoro ki Punitotara ki Poukehewa ki Omati ki Kokohiko ki Waikoatu ka huri ki konei ki te tonga haere tonu tika tonu ka tomo ki roto ki te awa o Taramouku ki Komakotangiata ka huri ki konei i te rawhiti haere tonu ki roto ki te awa o Taramouku piko tonu tae atu ki nga huinga o Waitoro o Wharawhara ka haere ki roto ki Wharawhara piko tonu tae atu ki te wahi i te hononga o te raina o te whenua kua hokona ki te Kawanatanga ara Waitara Taramouku ka huri ki konei ki te whakarua ka haere tonu ki Wharetiti ka huri ki konei ki te rawhiti ka haere ki Tuipaki ka huri ki te whakarua ka haere ki Ohaupari ki Pungapopohi ka huri ki konei ki te rawhiti ka haere ki Tongirere ka huri ki konei ki te whakarua ka titaha ki te rawhiti tae atu ki Puiatoa ka huri ki konei ki te whakarua ka haere ki Taumatarangi ka haere tonu ka tomo ki te awa Mangawhiro haere tonu ki roto ki Mangawhiro tae tonu atu ki Urenui haere tonu ki roto ki Urenui piko tonu tae atu ki te hononga o te raina o te whenua o nga Pakeha i ruritia i mua ka huri ki konei ki te hauauru ka haere ki runga ki taua raina piko tonu tae atu ki OnaeroNative reserves. ki te wahi i timata ai. Ko nga wahi enei kua whakaae e Parete kia rahuitia mo matou e rima rau (500) eka mo Rangipito raua ko Rakatau mo ta raua iwi katoa e rua rau (200) eka mo Horomona mo Epiha mo Henere Matene mo ta ratau iwi katoa. Tenei ano te ahua o taua wahi whenua kua oti te hanga ki te taha nei o tenei pukapuka. Ko te utu mo taua whenua kua whakarite e Parete kua whakaae hoki matou koia tenei e toruReceipt for £3,530. mano e rima rau e toru tekau pauna (£3530) ko tenei moni kua riro mai ki a matou na Parete i homai i tenei ra. Heoi ana te utu mo taua wahi whenua ko nga moni kua riro mai ki a matou i tenei ra. Na hei tohu mo to matou whakaaetanga ki nga kupu e takoto nei ki tenei pukapuka ka tuhituhi e matou o matou ingoa nei.