Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Land in Occupation of J. G. Cooke, Esq., Grey and Bell District

Land in Occupation of J. G. Cooke, Esq., Grey and Bell District.

1848. 24 November.Grey and Bell District.Tenei pukapuka e tuhituhia nei i tenei ra ara i te rua tekau ma wha (24) o nga ra o Nowema i te tau o to tatou Ariki kotahi mano e waru rau e wha tekau ma waru 1848Land Near Te Hua, Conveyed by puketapu. He pukapuka tino wakaae tika na matou na nga tangata o te Hua o Puketapu hoki e mau nei nga ingoa ki tenei pukapuka tuku wenua kia hokona kia tukua kia tino wakamahuetia rawatia te wahi wenua nohoia nei e te Kuku ara te wahi wenua katoa i wakahaeria nga rohe e matou tahi ko te Pere raua ko Teni te kai ruri i homai nei e te Pere te kau tane kotahi me nga kuao uwha e toru A mo te rironga mai o enei kau ki o matou ringaringa ka wakaae rawa matou mo matou mo a matou whanaunga me o matou uri katoa i muri iho i a matou kia tino tukua taua wahi me nga wai me nga rakau me nga aha noa iho o taua wenua ki a te Kawana o Nui Tireni hei wenua tuturu mona mo nga pakeha ranei e wakaaetia e te Kawana mo raton taua wenua hei wenua pumau tonu mo nga pakeha ake tonu atu.
Boundaries. Ko nga rohe o taua wenua ka timata i te taeapa o nga kau o te Kuku ka haere tika tonu i reira wakatae ki Toitoipapa ka tae ki reira ka ahu tika tonu ki te wakarua marangai puta noa ki te Ruatangata ka tae ki reira ka ahu wakaroto te ruri ka wakakape i te wahi i huaina ko te Ruatangata puta noa ki tai ki te huhi repo ka ahu hoki i runga i te ruritanga o Karetene ki te wakarua puta noa ki te Ahoroa ka tae ki te Ahoroa ka ahu tika tonu i runga i te ruri whakauta tae noa ki Ngatapakurari ka ahu wakatonga i reira i runga i te ara ruri nui puta noa ki te pito wakatonga hauauru o te taeapa o nga kau o te Kuku.

Ka mahue rawa i a matou nga whenua katoa ki roto i nga rohe kua oti nei te korero te wakaatu mai ki a matou i runga i tenei wakaminenga e mau nei te ahua ki te taha o tenei pukapuka tuku wenua.

A mo ta matou wakaaetanga ki nga tikanga katoa o tenei pukapuka kua oti nei te korero te panui mai ki a matou e te Makarini ka tuhia iho o matou ingoa me o matou tohu ki tenei pukapuka.

A mo te wakaaetanga o te Kawana ki nga tikanga katoa o tenei pukapuka ka tuhia iho e Henari Kingi te tino Kaiwakawa o Taranaki tona ingoa.

Hare Purumere x his mark.
Matiu Huia x his mark.
Hakopa Tikurangi x his mark.
Taituha x his mark.
Hamirora Te Rangi x his mark.
Te Ringaringi Rohopohama x his mark.
E Rota x his mark.
Hamiora te Raro x his mark.
Aperahama Tohuora x his mark.
Raniera Ngaere x his mark.
E Hemi Te Hunga x his mark.

Nga kai titiro ki enei tuhinga ingoa—

Sd. W. Halse, Rest. Agt., N.Z. Co.
Sd. W. Carrington, Surveyor.

Approved.

Hen. J. King, R.M.