Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Grey Block, Grey And Bell District

Grey Block, Grey And Bell District.

1847. 11 October.Grey and Bell DistrictTenei pukapuka tuku whenua i tuhituhia nei i tenei ra ara i te tahi tekau ma tahi (11) o nga ra o Oketopa i te tau kotahi mano e waru rau e wha tekau ma wituGrey Block. 1847. He pukapuka tino wakaae tika na matou na nga tangata o Ngamotu mo matou mo a matou tangata mo a matou tamariki me a matou uri katoa i muri iho i a matou kia hokona kia tino tukua rawatia a matou whenua katoa i roto i nga rohe e tuhia iho ki tenei pukapuka tuku whenua ki a te Kawana o Nui Tirene me nga Kawana katoa o tenei motu i muri iho i a ia ake tonu atu.
A mo tenei tukunga rawatanga o ta matou whenua e wakaae ana te Kawana o Nui Tirene kia utua matou me o matou whanaunga e ngaro ana ki etahi atu wahi o teneiPrice, £390. motu ki nga pauna moni e toru rau e wha tekau ma rima pu (£390) a kia wehea nga homaitanga o aua moni ki nga tau e toru.
Receipt for £130. Ko te utunga tuatahi: Kotahi rau kotahi tekau ma rima pu (£130) kua riro mai nei ki o matou ringaringa na te Makarini.

Ko te utunga tuarua: Ka riro mai ki a matou ki o matou whanaunga ranei nona tahi nei te whenua ka tukua e matou i te tahi tekau ma tahi o nga ra o Oketopa i te tau kotahi mano waru ra wha tekau ma waru (1848).

Ko te utunga tuatoru: Ka homai ki a matou ki o matou whanaunga ranei e uru tahi ki aua whenua ka riro tonu atu nei mo te Kawana ara ko te utu whakamutunga ka homai i te tahi tekau ma tahi o nga ra o Oketopa i te tau kotahi mano waru rau wha tekau ma iwa 1849.

A mo te Kawana tonu te wakaaro ki te wehewehenga i nga utu e utua i muri iho i enei kua riro mai nei i a matou ma tetahi atu pakeha ranei e wakaritea e te Kawana kia utu i te whenua ara nga utu o nga tau erua e haere ake nei mana ma taua pakeha ranei te wakaaro kia homai ki a matou ranei ki o matou whanaunga ranei e ngaro ana aua moni.

A mo te utunga moni kua oti nei te tuhi ki tenei pukapuka e wakaae ana matou kia tino tukua o matou whenua katoa ki roto i nga rohe e tuhia ki raro i tenei pukapuka e mau nei te ahua ki te taha o tenei pukapuka me o matou whenua katoa i uta atu o tenei kua ruritia me nga awa me nga roto me nga rakau me nga tini mea katoa o aua whenua ki a te Kawana o Nui Tirene ake tonu atu.

Boundaries. Ko nga rohe o nga whenua ka tukua nei e matou ka timata ki te Waitapu ka haere tonu na te taha o te Moana puta noa ki Paretutu ka tae ki reira ka ahu tika tonu wakauta ki te ruri o nga kai ruri o Wairaweke puta noa ki Rotokari ka tae ki reira ka haere tika tonu i taua ruri i roto i te motu puta noa ki Mangore ka tae ki reira ka ahu mai whakatae na roto i Mangore ki Turuawhakaanga ara ki te taha o ta matou pa tawhito o Ngararahai a puta noa mai ki te pakarutanga o Mangore ki Waiwakaiho a ka waiho tonu te rohe ki roto ki Waiwakaiho tae noa ki te ara ruri tawhito i Paipai ka haere tonu na taua ara ruri ki te Henui ta tae ki te awa ki te Henui ka ahu atu ki uta ki Eringa ka tae ki Eringa ka ahu ki te tonga puta noa ki Hawe Hawe a ka ahu ki uta ki Waerengapoka a ka haere na taua ruri ki te Hauauru puta noa ki Okoari ka tae ki reira ka ahu wakatae puta noa ki Harekeke a ka ahu ki Tukapo a ka tae ki Tukapo ka haere tika tonu ki te pakarutanga o te Waitapu ki te moana.
A e wakaae ana te Kawana kia wakatapua ma matou etahi whenua ki roto ki nga rohe kua oti nei te tuhi te tuku tonu mona ara nga whenua kua oti nei te ruri te karanga e matou tahi ko te Makarini mo matou ko nga whenua e mau nei te ahua ki tenei pukapuka i tirohia e etahi o a matou tamariki te ruritanga e mohiotia katoatia eReserves: matou.
Moturoa. [200 acres.] Koia enei te wahi tapu i ruritia i te tuatahi ki Moturoa e rua te rau takitahi (200) nga eka.
Rotokari. 250 acres. Te wahi tuarua ki Rotokari e rua te rau ma rima tekau takitahi 250 nga eka.
Te wahi tuatoru ki Waiwakaiho e wha te rau e toru tekau takitahi 460 nga eka kuaWaiwhakaiho. [460 acres.] oti nei te ruri te wakatakotoria ma matou ake tonu atu ko nga ara ruri nui anake mo nga pakeha mo nga tangata katoa me tuku ki roto ki aua wahi tapu i nga wa e rite i a te Kawana kia wakatakotoria he ara ruri ki aua wahi.

A mo ta matou tino wakaaetanga ki nga tikanga i roto i tenei pukapuka kua oti nei te korero te wakaatu ki a matou e te Makarini ka tuhia iho o matou ingoa.

page 15

A mo te wakaaetanga o te Kawana ki nga tikanga o tenei pukapuka ka tuhia iho te ingoa o Henare Kingi te tino kai wakawa o Taranaki.

Wiremu Kawaho x his mark.
Manahi.
Te Watene x his mark.
Manihera kepa.
Wi tana.
Eruera te Rihi x his mark.
Epeni Kawaha.
Joel.
Hori Karaka x his mark.
Na Pillipi.
Emori x his mark and for Mary his wife x.
Solomon.
Hone Ropiha.
Hoera, Eruera's son x.
Ihaia.
Hone Paratene.
Wereta x his mark.
E Waaka x his mark. Ripeka Pouharama. x her mark.
Tamati of Ngawaka's Pah x
his mark.
E Pita x his mark.
Wiremu Paratene.
Rawiri Motutere x his mark.
Hone Ropiha x his mark.

Nga kai titiro ki nga homaitanga utu me nga tuhinga ingoa ki tenei pukapuka—

Sd. F. Dillon Bell, J.P.,
Resident Agent of the New Zealand Company.

" J. F. Wicksteed, J.P.
" W. Carrington, Surveyor.
" Jno. Medland.
" Thos. Standish.
" Jas. Webster, J.P.

Ngangana te Rangikapuoho.
Hare Purumera Tapuirau.
Pape Ngarongomate.

Witness to the signatures of Te Rangikapuoho Pape and Hare Purumera—

Edwin Harris, Surveyor.
Ko Kereopa.

Henry King,
Resident Magistrate.

Witness to the signature of Henry King, Resident Magistrate,

Jas. Webster, J.P.

New Plymouth, October 12th, 1847.