Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume Two

Omata Block, Omata District

Previous Section | Table of Contents | Up | Next Section

Omata Block, Omata District.

1847. 30 August.Omata District.Tenei pukapuka tuku wenua e tuhituhia nei i tenei ra ara i te toru tekau (30) o nga ra o Akuhata i te tau kotahi mano e waru rau e wa tekau ma witu (1847) He pukapuka tinoOmata wakaae tika na matou na nga tangata o Taranaki mo matou mo a matou tangata mo a matou tamariki me a matou uri katoa i muri iho i a matou kia hokona kia tino tukua rawatia o matou wenua katoa i roto i nga rohe e tuhia iho ki tenei pukupuka tuku wenua ki a te Kawana o Nui Tireni me nga Kawana katoa o tenei motu i muri iho i a ia ake tonu atu.

A mo tenei tukunga rawatanga o ta matou wenua e wakaae ana te Kawana o Nui Tireni kia utua matou me o matou wanaunga e ngaro ana ki etahi atu wahi o tenei motu ki nga pauna moni e wha te rau (£400) takitahi me te kaho tupeka kotahi i utua ki nga pauna moni e rua tekau ma wha (£24 . 3 . 0) me nga hereni e toru a kia wehea te homaitanga o aua moni ki nga tau e toru.

Receipt for £200, and 1 cask tobacco. Ko te utunga tuatahi: E rua rau takitahi nga pauna moni (£200) me te kahu tupeka kotahi kua riro mai nei ki o matou ringaringa na te Makarini.

Ko te utunga tuarua: Kotahi te rau pauna (£100) ka riro mai ki a matou ki o matou wanaunga ranei nona tahi nei te wenua ka tukua e matou i te toru tekau (30) o nga ra o Akuhata i te tau kotahi mano e waru rau e wa tekau ma waru (1848).

Ko te utunga tuatoru: Kotahi te rau pauna (£100) ka homai ki a matou ki o matou wanaunga ranei e uru tahi ki aua wenua ka riro tonu atu nei mo te Kawana o Nui Tireni ara te utu wakamutunga ka homai i te toru tekau o nga ra o Akuhata i te tau kotahi mano waru rau wa tekau ma iwa (1849).

A e wakaae ana hoki matou kia waiho ma te Kawana ma tetahi atu ranei Pakeha e rite i a te Kawana hei utu i te whenua te wakaaro mo nga homaitanga utu e utua i muri o enei kua riro mai nei ki a matou ara kia homai ki a matou ranei ki o matou wanaunga ranei e ngaro ana nga moni mo nga tau e rua e haere ake nei.

A mo nga utunga moni kua oti nei te tuhi ki tenei pukapuka e wakaae ana matou kia tino tukua rawatia o matou wenua katoa ki roto i nga rohe e tuhia ki raro i tenei pukapuka e mau nei te ahua ki te taha o tenei pukapuka me o matou wenua katoa i uta atu o tenei kua ruritia ara i uta atu o Mangore me nga awa me nga roto me nga rakau me nga tini mea katoa o aua whenua ki a te Kawana o Nui Tirene ake tonu atu.

Boundaries. Ko nga rohe o nga whenua ka tukua nei e matou ka timata i Paretutu ka haere na te taha o te Moana tae noa ki Onukutaipari. ka haere ki Herekawa ka haere ki Waiorotoki ka haere ki Wairekeite ka haere ki Wairekenui ka haere ki Papatanewa ka haere ki Omata ka haere ki Kapowairua ka haere ki Wairere ka haere ki Papahinewa ka haere ki Opou puta noa ki Okurukuru ka tae ki reira ka ahu ki uta na te wai ara na roto i Okurukuru tae noa ki Huatawa a ka haere tonu wakauta ki te Roto ka haere ki te Ahikaukuku tae noa ki Manawahinau ka haere ki Mangaone haere ki te Karakawata ka haere ki Pukiekie ka haere ki Orakeinui ka haere ki Hanginanui ka tae ki Turangaharua ka haere ki te tutakitanga o Tawahapi ki Tapuaeruru ka haere na te tonga i roto i Tapuaeruru puta noa ki te awa ki Paopaohaoanui ka waiho te rohe i roto i taua awa i Paopaohaoanui tae noa ki Mokaro ka haere wakauta na te ruritanga ki Rangarangahai ka haere ki te Tahora ka haere ki Ratamahihi ka haere ki te Ruahorehore ka haere ki Watatao ka haere ki Pukehinau ka haere ki Kiorerenga ka haere ki te Matuku ka haere ki te Waihinau ka haere ki Waipapa ka haere tonu uta witi noa i Paopaohaoanui ka haere witi noa i te Ruakuri ka haere tonu na te ara ruri witi noa i Paopaohaoanui ka haere ki te Hiringaotuaho ka haere ki Tawatawata ka haere tonu witi noa i te Henui ka haere ki Onga Pakira ka haere ki Pokeikeitahuna puta noa ki te awa ki Mangore ka waiho te rohe ki taua awa tae noa ki te tutakitanga o Mangore ki te Pakerutanga o te ara ruri tawito ara te ara ruri o Paretutu e mohiotia ko te rohe o te Peina i ruritia imua e nga kai ruri o Wairaweke a ka waiho te rohe ki taua ruri puta noa ki Paretutu.
page 11

E wakaae ana matou katoa nga tangata e mau nei nga ingoa ki tenei pukapuka tuku wenua ki nga rohe kua oti nei te tuhi ki roto i tenei pukapuka ara nga rohe kua ruritia e Weretini Karatene te kai ruri i tirohia te ruritanga e o matou tamariki i haere tahi ki te mahi ruri e mohiotia katoatia e matou ko te wenua o a matou tupuna tuku iho ki a matou Koia tenei ka tukua nei e matou i tenei ra ki te aroaro o nga pakeha he wenua tuturu iho mo ratou ake tonu atu.

A mo ta matou tino wakaaetanga ki nga tikanga i roto i tenei pukapuka kua oti nei te korero te wakaatu ki a matou e te Makarini ka tuhia iho o matou ingoa.

A mo te wakaaetanga o te Kawana ki nga tikanga o tenei pukapuka ka tuhia iho te ingoa o Henry Kingi te tino Kaiwakawa o Taranaki.

Ngarongomate.
Tamati Wiremu Ngahuru.
Paretutu x his mark.
Tarahutu x his mark.
Porewa x his mark.
Ekuri x his mark.
Pakahu x his mark.
Warepuni x his mark.
Wareatea x his mark.
Mitai x his mark.
Hoepa Kuware x his mark.
Tipene.
Hone Kupakupa.
Hamuera te Mona.
Keremenata x his mark.
Kamia.
E heta.
Hami x his mark.
Shadrack x his mark.
Reuben x his mark.
E hau x her mark.
E kira x her mark.
Mary x her mark.
Stephen Kora x his mark.
E Kopa x his mark.
E Ane x her mark.
E Ware x her mark.
Papapuni x his mark.
Hohepa x his mark.
E puia x her mark.
Ararutu x her mark.
E hema x her mark.
E runga x his mark.
Meriana Karatene.
Olivia x her mark.
Wakahi x her mark.
Lavinia x her mark.
Lavinia x her mark.
Matariki x his mark.
Huiana x her mark.
Metiria x her mark.
Mary x her mark.
Paranga x his mark.
Hakehake x his mark.
Taituha.
E reo x his mark.
Te Rangitapiriau x his mark.
Te Waka signed by Epape his eldest brother.
Kataraina x her mark.
Hariata x her mark.
Neihana x his mark.
Hairinia.
Paratene x his mark.
Hone Kohuru his mark.
Ngaakimana x his mark.
Miriam x her mark.
Pumipi x his mark.
Wereta x his mark.
Mohi x his mark.
Te Nohoangaiti x his mark.
E rangi x her mark.
Ritia x her mark.
Marina x her mark.
Pene x his mark, Wi Kawau's son.
Te Rahia x his mark.
Iriah x his mark.
Rawiri x his mark.

Nga kai titiro ki nga homaitanga utu me nga tuhinga ingoa ki tenei pukapuka—

Sd. Charles Hursthouse, Junr., Clerk to the New Zealand Company.
Sd. Wellington Carrington, Surveyor, New Plymouth.
Sd. Jno. Medland, Policeman, New Plymouth.

Approved on behalf of H.M. Government on the2nd day of September, 1847.

Henry King,
Resident Magistrate.

Kua homai ki a matou i tenei ra Na te Makarini ara i te toru tekau 30 o nga ra o Akuhata i te tau kotahi mano waru rau wha tekau ma waru 1848 nga pauna moni hoko rima ara kotahi rau takitahi £100 ko nga utu tenei o te tau tuarua e wakaaetia i tetahi1848. 30 August.Receipt for £100. wahi o tenei pukapuka tuku wenua, kia homai ki a matou, ki o matou wanaunga ranei i tenei ra, Ma o matou wakaaetanga ki nga tikanga katoa i roto i tenei pukapuka i tuhia iho e matou o matou ingoa ki Pukeariki i tera tau, mo te rironga mai hoki o nga utu o tenei tau ki a matou i tenei ra ka tuhia iho o matou ingoa me o matou tohu ki tenei pukapuka i te aroaro o nga Pakeha.

Tamati te Ngahuru x his mark.
Te Rohutu x his mark.
Himiona x his mark.
Honi Kohuru x his mark.
Hohepa x his mark.
Te Peka x his mark.
Paretutu x his mark.
Kuri x his mark.
Wereta x his mark.
Te Manihere x his mark.
Warea tea x his mark.
Ko Muku x his mark.
Taituha x his mark.
Parenga x his mark.
Pakahu x his mark.
Hori Kupapa x his mark.

Witness to the signing hereof by the said Tamati te Ngahuru and sixteen next following names in our presence—

Thos. Standish, ofNew Plymouth,Clerk to the Magistrates, J.P.
John Rogan, Clerk to The New Zealand Company.
The mark x of E Waka.

page 12 Kua homai ki a matou i tenei ra na Henari Kingi te Kai tiaki moni o Taranaki ara i te wha o nga ra o Hepetema i te1849. 4 September.Receipt for £100. tau kotahi nei mano e waru rau e wha tekau ma iwa 1849, nga pauna moni hoko rima ara kotahi rau takitahi £100.—Ko nga utu tenei o te tau tuatoru ara ko nga utu wakamutunga rawatanga i wakaaetia i tetahi wahi o tenei pukapuka tuku whenua kia homai ki a matou ki o matou whanaunga ranei e uru tahi nei ki nga whenua kua oti i a matou te mihi te tangi te poroporoake te tino tuku rawa ki a te Makarini mo nga Kawana o tenei Motu o Nui Tireni hei whenua pumau tonu iho mo ratou mo nga pakeha ake tonu au.
A no te mea kua riro mai ki a matou nga utu katao mo a matou whanaunga e ngaro ana i etahi atu wahi ma matou te wakaaro ki a ratou kia kawa hoki ratou e pakiki utu k nga pakeha mo tenei whenua, tetahi ekore matou e tukua i etahi atu iwi ki wakararua nga pakeha i runga i nga oneone kua hokona nei e te Makarini kua riro katoa mai nei nga utu ki o matou ringaringa i tenei ra.
Mo ta matou Wakaaetanga ki nga tikanga katoa i roto i tenei pukapuka ka tuhia iho o matou ingoa me o matou tohu.
Mo te wakaaetanga o te Kawana ki nga tikanga katoa o tenei pukapuka ka tuhituhia iho te ingoa o Henari Kingi te tino kai wakawa o Taranaki.

tamati Wiremu te Ngahuru.
Paretutu x his mark.
Te Rohutu x his mark.
Manihere Manga x his mark.
Ko te Wao Kauri.
Hohepa Kuare x his mark.
Pakahu Perereka.
Kamia te peka.
E Reo Rangikapuao, son x.
E Heta Aperahama, son x.
Meri Mata Kura x.

Henry King,
Resident Magistrate.

Nga kai titiro ki enei tuhinga ingoa—

W. Halse, N.Z. Cy.'s Rest. Agt.
J. T. Wicksteed, J.P.
John George Cooke, J.P.
Donald McLean, J.P.

Previous Section | Table of Contents | Up | Next Section