1874. 12 March.Patea district.Kia mohio nga tangata katoa ko tenei pukapuka i tuhituhi te tekau ma rua o nga ra oWaipuru. Maehe i te tau o to tatou Ariki kotahi mano e waru rau e whitu tekau ma wha ko matou ko nga Maori nga Rangatira me nga tangata o te hapu o Ahitahi e mau nei nga ingoa ki raro nei kua whakaae matou ki te hoko ki te tukua rawatia atu nei te tino hoatu nei e matou ki a Wikitoria Kuini o Ingarani ki ona uri ki nga Kingi ki nga Kuini o muri atu i a ia taua wahi whenua katoa e huaina ko Waipuku e takoto nei teBoundaries. [7,000 acres.] tuhituhi ona rohe katoa koia enei ka timata ki te awa ki Mangamawhete ki te taha o te ruri nui e hanga ana ka haere tonu ki te taha o taua ruri tae atu ki te awa Waipuku ka huri ki konei ki te hauauru ka haere tonu piko tonu ki roto ki te awa Waipuku tae atu ki tona matapuna no reira ka haere tonu tika tonu te raina tae atu ki Panitahi ki Tahunaatutawa ka hono ki te raina o te whenua kua hokona ki a te Kawanatanga e huaina ko te Moa ka huri ka hoki ki te whakarua ka haere tonu ki runga ki taua raina tae tonu ki Whakangerengere ki Mangamawhete haere tonu ki roto ki te awa Mangamawhete piko tonu tae tonu ki te ruri ki te wahi i timata ai Tenei ano te ahua o taua wahi whenua katoa kua oti te hanga ki te taha nei o tenei pukapuka ko te utu mo taua whenua kua whakarite e Parete kua whakaae hoki matou koia tenei e waru rau eReceipt for £875. whitu tekau ma rima pauna (£875) ko tenei moni kua riro mai ki a matou na Parete i homai i tenei ra: Heoti ano te utu mo taua whenua ko nga moni kua riro mai ki a matou i tenei ra. Na hei tohu mo to matou whakaaetanga ki nga ritenga o tenei pukapuka kua oti te tuhituhi nei ka tuhituhia e matou o matou ingoa nei.