Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Te Kowhatu or Harurunui, Aotea, West Coast. — Free Grant of School Land to the Reverend Superintendent of Wellington Missions

Te Kowhatu or Harurunui, Aotea, West Coast.
Free Grant of School Land to the Reverend Superintendent of Wellington Missions.

Kote Tuhituhinga o tenei pukapuka i te ra rua tekau ma rima o Hanueri, i te tau o 1854. 25 January.Aotea. to tatou Ariki kotahi mano e waru rau e rima tekau ma wa te whakaaetanga o etahi o Te Kowhatu. nga Rangatira o Aotea, te whakaaetanga ano hoki o te Kuini o Ingarani; Na, ko page 790Aperahama Te Karu, ko Hakopa Te Matera, ko Hoani Te Apa, ko Tirua Paora, ko Wiremu Tauira, ko Pehimana Taharangi, ko Herietara Paihua, ko Hakopa Arakari, ko Te Watarauihi, ko Pingaraka Te Haratua, ko Watikini Te Awarua, ko Hohua Mouhaere, ko Hemi Tamaki, ko Kerapa Kiore, ko Tamati Waka Te Mumura, ko Hohepa Te Poria.

Na, ka whakaae nei a Aperahama Te Karu Hakopa Te Matera, a Hoani Te Apa, a Tirua Paora, a Wiremu Tauira, a Pehimana Taharangi, a Herietara Paihua, a Hakopa Arakari, a Te Watarauihi, a Pingareka Te Haratua, a Watikini Te Awarua, a Hohua Mouhaere, a Hemi Tamaki, a Kerapa Kiore, a Tamati Waka Te Mumura, a Hohepa Te Poria, ki te tuku utu kore i enei whenua, ki a Kuini Wikitoria, ki a Te Kawana kia whakahokia ake e Te Kawana ki a Te Rore, ki te Minita Kaumatua o Te Hahi Weteriana e noho nei i Akarana kia whakapumautia ki a ia ki nga Minita Kaumatua Weteriana o muri i a ia mo Te Hahi Weteriana; mo nga tikanga o te Kura o te whakapono ake, ake, ake, hei turanga kura, hei oranga kura mo a matou tamariki, ara mo nga tamariki katoa o Aotea, o tera hapu, o tera hapu, nga tamariki maori, nga tamariki pakeha, nga tamariki hawhekaihe, kia tupu pai ai, kia tuku rangatira ai, kia tupu tahi ai i roto i te whakapono o Te Karaiti i roto i te matauranga kinga tikanga pai o te pakeha.

Boundaries. Na, ko nga Rohe o enei whenua, koia enei, Ka timata ki te Parepare o Te Mera ki Harurunui, haere tonu i waho o Te Motutere taea noa ki Te Kainga o Hamiora, piki ake i waho o Whakarewatara, haere tonu ki te taha ki te Nota o Te Kainga o Ho ki Oioroa,—a—haere tonu i te taha tika taea noa Te Koruahamuti piki ake i te onetea ki te ritenga o te papa kowhatu i waenga onepu—haere tonu i waho o nga wahi rarauwhe katoa puta noa ki te taha o te puke onetea ki Iringa—haere tonu i runga o te rarangi pu harakeke, a—ka tapahi i waenga nui o te Repo o Te Ruinga, witi noa mai ki Te Mapau, katahi ka piki ake i te puke rarauwhe i waho o Te Kainga o Tupara—haere tonu ki te puke teitei i huaina ko "Puke Hohua"—a—awhi marie ki waho o nga puke e toru i huaina ko "Puke Pimereka" ko "Puke Wiremu," ko "Puke Reweti,"—a—heke iho ki te taha ki te Hauta o Motu, a—haere tonu ki waenga repo taea noa te taeapa o Te Mara o Te Mera, a—haere tonu i te taha o taua taeapa taea noa te timatanga o te rohe ki Harurunui.

Na, kahore he utu mo taua whenua, heo iano te utu ko nga tikanga o Te Kura o Te Whakapono kua tuhituhia nei, koia matou ka tuhituhi nei i o matou ingoa i tenei ra, i te rua tekau ma rima o Hanueri, i te tau o to tatou Ariki kotahi mano, e waru rau, e rima tekau ma wa.

Aperahama Te Karu x his mark.
Hakopa Tematera.
Hoani Te Apa.
Tirua Paora x tona tohu.
Wiremu Tauira x tona tohu.
Pehimana Taharangi
Herietara Paihua.
Hakopa Arakari x tona tohu.
Te Watarauihi x tona tohu.
Pingareka Teharatua.
Watikini Te awarua.
Hohua Mouhaere.
Hemi tamaki.
Kerapa Kiore.
Tamati Waka Te Mumura
x tona tohu.
Hohepa Te Poria x tona tohu.

Witnesses

Gideon Smales.
tiopira rangitaiki.
Hoere.
Samuel te uru.
W. W. Dixon.
karira.