1862. 2 July.Waiapu District.Tenei Pukapuka i tuhituhia i tenei rua o nga ra o Hurai i te tau o to tatou Ariki 1862 Ngawhakatutu he Pukapuka tino tuku whakaoti atu na matou na nga Rangatira me nga Tangata o Ngatikohuru no ratou nga ingoa e mau i raro nei. a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a Grant for school site. ia me ana me a ratou e whakarite ai hei turanga Kura (School site) ko taua wahi whenua katoa kei Manutahi ko Nga Whakatutu te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Peka, Kai whakawa Tuturu. Boundaries, Ko nga rohe enei o taua whenua ka timata i te Kairere, tae atu ki te Kahika tutahi, tika tonu atu ki Karangi, tika atu ki te Taumatawhakatangikoauau, ka whati mai i reira ki Toetoe ka tapahi ki te wai ki Mangaharei ka haere tonu i roto i te wai o Parahamuti, ka page 799haere mai i te tahataha a tutuki tonu ki te pa ki Taumata-o-Kahutia, ka haere i waho o te pa makere atu ki Kopuaroa; tae tonu atu ki te Kairere, ki te timatanga ra ano o te rohe.