Waitairi Block, Tirikohua, Manukau District.

Ko taua wahi ka hoatu nei e matou hei utu mo etahi moni kia riro mai ki a matou mo to matou tino whakarerenga rawatanga i te whenua kua hokona ki a te Kuini ki Tirikohua ki Purahukura ki te Wakapipi ki Ngapohoe otira ki aua whenua katoa i whakapakeketia e matou imua ki nga pakeha ko aua whenua ka tino whakarerea ponotia e matou i tenei ra e whiti nei Ki a Wikitoria te Kuini o Ingarani ake tonu atu. Ekore rawa matou e tuku atu i tetahi tangata kia rere ki runga i aua whenua mate noa matou. A mo te rironga mai o enei moni ki a matou mo te whakaaetanga pono ki enei korero i tenei ra e whiti nei ka tuhituhia iho o matou ingoa me o matou tohu.