1865. 11 April.Coromandel District.Tenei Pukapuka i tuhituhia i tenei te tekau ma tahi o nga ra o Aperira i te tau o to tatou Ariki 1865 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatiwhanaunga no ratou nga ingoa Tawhitirahi. e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni Kotahi Rau Kotahi tekau Ma wha kua utua ki a matou e Hemi Pirihi mo te Kuini (a e whakaaetia nei e matou te rironga mai o aua moni) ko taua wahi whenua katoa kei Waiau ko Tawhitirahi te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Hemi Pirihi (James Preece) Boundaries. [570 acres.] Kaiwhakarite Whenua. Ko nga rohe enei o taua whenua ka timata i te taha whakararo i te awa o Waiau haere tonu i te awa o Tawhitirahi me to rohe whakarunga o te whenua o te Awakanae ki te maunga o Tawhitirahi, haere tonu ki runga ki te iwi maunga o Tawhitirahi ki te matapuna o te awa o Waiau—ka haere tonu ki roto ki te awa o Waiau ki te wahi i timata ai