1865. 20 February.Coromandel District.Tenei Pukapuka i tuhituhia i tenei te rua tekau o nga ra o Pepuere i te tau o to tatou Ariki 1865 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatiwhanaunga no ratou nga ingoa e mau i raro nei Tarewa Ouenuku. a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni Tekau Ma rima (£15 – 0 - 0) kua utua mai ki a matou e Tiemi Make mo te Kuini (a e whakaaetia nei e matou te rironga mai o aua moni) ko taua wahi whenua katoa kei Waiau Coromandel ko Tarewa Ouenuku te ingoa o taua wahi whenua ko nga rohe kei raro i te Pupapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Tiemi Make Kaiwhakarite Whenua. Ko nga rohe enei o taua whenua ka timata i i te putahitanga Boundaries. o te awa o Tarewa Ouenuku me te awa o te Hinau haere tonu ki roto ki te awa o Tarewa Ouenuku ki te rohe o te whenua o te Awa Kanae haere tonu i te rohe o taua whenua ki te awa o Komaru Potiki, haere tonu i taua awa ki te Hinau haere tonu i roto i te awa o te Hinau ki te wahi i timata ai.