1865. 8 February.Coromandel District.Tenei Pukapuka i tuhituhia i tenei te tuawaru o nga ra o Pepuere i te tau o to tatou Ariki 1865 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatinaunau no ratou nga ingoa e mau i raro nei a hei Matuaroa. whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e rima kua utua mai ki a matou e Hemi Pirihi mo te Kuini (a e whakaaetia nei e matou te rironga mai o aua moni) ko taua wahi whenua katoa kei Waiau ko Matuaroa te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Hemi Pirihi Kaiwhakarite Boundaries. [93 acres.] Whenua. Ko nga rohe enei o taua whenua ka timata i te taha whakararo i Waipao i te taha o te moana haere tonu i te raina ahu ana 342° 2730 riki ki te pohutukawa kotahi, haere tonu i te raina 209° 4000 riki ki te awa o Pipitiwai haere tonu ki roto ki taua awa ki te kongutuawa, haere tonu i te akau ki te wahi i timata ai, te nui o taua whenua e iwa tekau ma toru (93) eka.