Tenei Pukapuka i tuhituhia i tenei te tahi o nga ra o Pepuere i te tau o to tatou Ariki 1865. 1 February.Coromandel District. 1865 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatiwhanaunga no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te Hinau. tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarini ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E rua Tekau Ma rima (£25.) kua utua mai ki a matou e Hemi Pirihi mo te Kuini (a e whakaaetia nei e matou te rironga mai o aua moni) ko taua wahi whenua katoa kei Waiau ko te Hinau te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A page 416hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Hemi Pirihi Kaiwhakarite Whenua. Boundaries. [83 acres.] Ko nga rohe enei o taua whenua ka timata i te taha whakararo i te putahitanga o te awa o Ramairi me Waiau haere tonu i roto i te awa o Waiau ki tekongutu awa o te Hinau, haere tonu ki roto ki taua awa o te Hinau tae noa te rohe o te whenua i te Awakanae, haere tonu i runga i te rohe o te Awakanae, ki Kaikahawai, haere tonu i runga i te rohe o te whenua o Kitahi ki te awa o Ramairi (ko te roa o nga raina o te rohenga o taua wahi 2007 riki, 356 riki, 389 riki, 191 riki) haere tonu i roto i te awa o Ramairi ki te wahi i timata ai, ko te nui o taua whenua E waru tekau ma toru eka.