Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Waitarere Block, Cabbage Bay, Coromandel District

Waitarere Block, Cabbage Bay, Coromandel District.

1864. 4 May.Coromandel District.Tenei Pukapuka i tuhituhia i tenei te wha o nga ra o Mei i te tau o to tatou Ariki 1864 he Pukapuka tino hoko tino hoatu tino tuku whakaoti atu na matou na nga Rangatira me Waitarere. nga Tangata o Ngatitamatera no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria te Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E rua tekau takitahi kua utua mai ki a matou e Te Hoterene mo te Kuini (a e whakaaetia nei e matou te rironga mai o aua moni) ko taua wahi whenua katoa kei Uruangawha (Cabbage Bay) ko Waitarere te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga Boundaries. [147 acres.] tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Hoterene. Ko nga rohe enei o taua whenua ki te taha ki te Raki ko te rohe ruri o Whiritoa ki te taha ki te Auru ko te rohe ruri o Pukekura ki te taha ki te Marangai ko te rohe kua oti te tuhi ki te mapi e mau nei.

Ko te Kauae o Maui te pito mutunga ki te taha ki te Tonga.

Meha Te Moananui.
Edwd. Shortland.

Ko nga tangata i kite i te hoatutanga o nga moni me te tuhinga o nga ingoa—

James Mackay, Jr., Assistant Native Secretary, Nelson.
Henry Alfred Home Monro, Translator.

Receipt for £20. Kua riro mai ki a matou i tenei ra i te 4 o nga ra o Mei i te tau o to tatou Ariki Kotahi mano e waru rau ono tekau ma wha (1864) nga Pauna moni E rua tekau pauna (£20. 0. 0) Ko te utu whakaotinga tenei kua whakahuatia ki te Pukapuka tuku e mau i runga ake nei kia utua mai ki a matou e Te Hoterene mo te Kuini.

Meha te Moananui.

Nga Kai-titiro—

James Mackay, Jr.
Henry Alfred Home Monro.