Tenei Pukapuka i tuhituhia i tenei te waru (8th) o nga ra o Oketopa i te tau o to tatou 1862. 8 October. Coromandel District. Ariki 1862 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngatipare—Ngatitamatera no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri Tatahoa. mo te tuhituhinga o o matou ingoa. ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e iwa pauna e whitu hereni, kotahi tekau kapa e toru patinga 9. 7 . 10¾ kua utua mai ki a matou e Te Mete mo te Kuini (a e whakaaetia nei e matou te rironga mai o aua moni) ko taua wahi whenua katoa kei Cabbage Bay ko Tatahoa te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o, taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Mete Kaiwhakarite Whenua. Ko nga rohe enei Boundries. [46a. 3r. 35p.] o taua whenua ka timata i Rangikotia ka haere i te raina ruri o te Mete—te tohu o te kapehu 39° 0'—1444 riki 79° 40'—565 riki—61° 30'—183 riki 90° 45'—830 riki—68° 5' —773 riki—81° 25'—1304 riki 183° 50'—1108 riki—a tae noa ki te awa o Tatahoa a ka page 406rere i roto i te awa o Tatahoa, a ka tae noa ki tatahi—a haere tonu i tatahi a tutaki noa ki Rangikotia Ka tutaki nga rohe i reira.