1858. 15 July.Coromanoel District.Tenei Pukapuka i tuhituhia i tenei tekau ma rima o nga ra o Hurae i te tau o to tatou Ariki 1858 he Pukepuka tino hoko tino hoatu tino tuku whakaoti atu na matou na nga Waihi. Rangatira me nga Tangata o Ngati Pupu me Ngati Maru no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e rua rau e rua tekau ma wha £224 kua utua mai ki a matou e Te Pirihi kai whakarite whenua mo te Kuini (a e whakaaetia nei e matou te rironga mai o aua moni) ko taua wahi whenua katoa kei Ahuahu ko Waihi te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei Boundaries. [1,182 acres.] te ingoa o Te Pirihi Kaiwhakarite Whenua. Ko nga rohe enei o taua whenua ka timata i Waihi ki te wahi i hokona e Wepiha ka miri ma te taha o te moana whaka te marangai a—Awanui ka haere whaka te marangai ma raki a—Uruake ka miri tonu ki te taha o te moana a Omatonga a huri whakauta a Puahutukawa ka anga whaka te hauauru ma tonga a—Tokokahakaha ka tahi ka anga whaka te moana i te marangai ma tonga ki Waihi.