1862. 27 August.Coromandel District.Tenki Pukapuka i tuhituhia i tenei raa tekau ma whitu o nga ra o Akuhata i te tau o to tatou Ariki 1862 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Te Rapupo, Ngatiwhanaunga no ratou nga ingoa e Mahakirau. mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni kotahi mano e ono rau e whitu tekau ma whitu (£1677) kua utua mai ki a matou e Donald McLean Esquire C.C. mo te Kuini (a e whakaaetia nei e matou te rironga mai o aua momi) ko taua wahi whenua katoa kei Waiau ko Mahikirau te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonn atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tehei Pukapuka kua tuhia nei te ingoa o Donald Boundaries. [8,385 acres.] McLean Esquire Kaiwhakarite Whenua. Ko nga rohe enei o taua whenua ka timata i Waiau ka haere i rungai i te raina ruri a—Papatuaraharaha—haere tonu i runga i te raina ruri a tae noa ki te kauru o Takinga Wairua, ka haere i roto o taua awa—a Mahakirau, ka haere tonu i runga te raina ruri a Pukeotahu a, Papataiko—haere tonu a, Kakatarahae haere tonu, ki te taha o te tau, a, te kauru o Waiparuparu, haere tonu, a, te kauru o Waiau, ka haere i roto o taua awa a tutaki ki te timatanga o te rohe.