Paeroa Block, Cabbage Bay, Coromandel District.
Tenei Pukapuka i tuhituhia i tenei rua tekau ma wha o nga ra
o Hune i te tau o to 1862. 24 June.
Coromandel District. tatou Ariki 1862 he Pukapuka tino hoko tino hoatu tino tuku whakaoti atu
na matou na nga Rangatira me nga Tangata o Ngatitamatera (Ngatitawhaki) no ratou
nga ingoa e mau i raro nei a hei whakaatu tenei Pukapuka mo matou mo o matou
whanaunga me Paeroa. o matou uri mo te tuhituhinga o o matou ingoa ki tenei pukapuka i raro i
te ra e whiti nei kua whakarerea rawatia kua tino tukuna rawatia atu ki a
Wikitoria Kuini o Ingarani ki ona uri ki nga Kingi ki nga Kuini o muri iho i a
ia me ana me a ratou e whakarite ai hei whakaritenga mo nga Pauna moni e toru
tekau (30£) kua utua mai ki a matou e Te Uira (G. W. Drummond Hay) mo te Kuini
(a e whakaaetia nei e matou te rironga mai o aua moni) ko taua wahi whenua katoa
kei Umangawha ko te ingoa o taua wahi whenua ko nga rohe kei raro i te Pukapuka
nei e mau ana te korero whakahaere ko te mapi hoki o taua whenua kua apititia ki
tenei. Me ona rakau me ona kowhatu me ona wai me ona awa nui me ona roto me ona
awa ririki me nga mea katoa o taua whenua o runga ranei o raro ranei i te mata o
taua whenua me o matou tikanga me o matou take me o matou paanga katoatanga ki
taua wahi; Kai mau tonu ki a Kuini Wikitoria ki ona uri ki ana ranei e whakarite
ai hei tino mau tonu ake tonu atu. A hei tohu mo to matou whakaaetanga ki nga
tikanga katoa o tenei Pukapuka kua tuhituhia nei o matou ingoa me o matou tohu.
A hei tohu hoki mo te whakaaetanga o te Kuini o Ingarani mo tana wahi ki nga
tikanga katoa o tenei Pukapuka kua tuhia nei te ingoa o Te Uira (G. W. Drummond
Hay) Kaiwhakarite Whenua Ko nga rohe enei o taua whenua ki timata i Te Boundaries. [162 acres.] Paeroa ka whai tonu i te rohe a ta Te Moananui a tae noa ki te whatinga
o taua rohe, ka whati whakararo i konei ka marere ki te repo ka piki i roto i te
awaawa, ka whati haere maro tonu Oruahine ka tatu ki tatahi haere tonu i tatahi
ka puta ki to Koru Wairangaia ka piki ake i roto o te awaawa ka eke ki runga ki
te tau ka ahu atu ki te tau i tika mai i Te Paeroa ka eke ki te toropuke ka
whati ka hono atu ki Te Paeroa.
Na Nepihana.
Geo. W. Drummond Hay, D.C.
Ko nga tangata i kite i te hoatutanga o nga moni me te tuhinga o nga
ingoa—
Henry Monro.
James Fulloon.
Kua riro
mai ki a matou i tenei ra i te rua tekau ma wha o nga ra o Hune i te tau
Receipt for £30. o to Tatou Ariki Kotahi mano e waru rau e ono tekau ma rua (1862) nga
Pauna moni e toru tekau (£30) Ko te utu tenei kua whakahuatia ki te Pukapuka
tuku e mau i runga ake nei kia utua mai ki a matou e Te Uira (
G. W. Drummond
Hay) mo te Kuini.
Na Nepihana.
Geo. W. Drummond Hay, D.C.
Nga Kai Titiro—
Henry Monro.
James Fulloon.