1860. 13 January.Coromandel District.Tenei Pukapuka i tuhituhia i tenei te tekau ma toru o nga ra o Hanuere i te tau o to tatou Ariki 1860 he Pukapuka tino hoko tino hoatu tino tuku whakaoti atu naku he Iwituaroa. Rangatira o Ngati Pupu noku te ingoa e mau i raro nei a hei whakaatu tenei Pukapuka moku mo oku whanaunga me oku uri mo te tuhituhinga o toku ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e toru tekau ma wha £34 kua utua mai ki ahau e Te Pirihi kai whakarite Whenua mo te Kuini (a e whakaaetia nei e au te rironga mai o aua moni) ko taua wahi whenua katoa kei Opito ko Anakokatea ko Iwituaroa nga ingoa o taua whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me page 391ona awa ririki me nga mea katoa o taua whenua o runga ranei o raro ranei i te mata o taua whenua me toku tikanga me toku take me toku paanga katoatanga ki taua wahi; Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo toku whakaaetanga ki nga tikanga katoa o tenei Pukapuka kua tuhituhia nei toku ingoa. A hei tohu hoki mo te whakaaetanga o te Kumi o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Pirihi Kaiwhakarite Whenua. Ko nga rohe enei o taua whenua ka timata i Boundaries Waitaha ka haere ki te hauauru ma raki a—Matapane ka huri ki uta a Mipirau ka haere ki te marangae ma tonga a te matapuna o Waitaha ka huri ki te marangae a—Te kongutu awa o Waitaha. Ko Anakokatea timata i te Autu ka haere ki te tonga a—Te Onekura whai tonu ma te awa Te Rongoturoa puta noa ki te moana ka huri ki te marangai ma raki ma tatahi a Autu.