Waikahika Block, Coromandel District.
1859. 19 December.Coromandel District.Tenei Pukapuka i tuhituhia i tenei te tekau ma iwa o nga ra o
Tihema i te tau o to tatou Ariki 1859 he Pukapuka tino hoko tino hoatu tino tuku
whakaoti atu na matou na nga Rangatira me nga Tangata o Ngati Maru no ratou nga
ingoa e mau i raro nei a hei Waikahika. whakaatu tenei Pukapuka mo matou mo o matou whanaunga me o matou uri mo
te tuhituhinga o o matou ingoa ki tenei pukapuka i raro i te ra e whiti nei kua
whakarerea rawatia kua tino tukuna rawatia atu ki a Wikitoria Kuini o Ingarani
ki ona uri ki nga Kingi ki nga Kuini o muri iho i a ia me ana me a ratou e
whakarite ai hei whakaritenga mo nga Pauna moni e rua tekau £20 kua utua mai ki
a matou e Te Pirihi kai whakarite whenua mo te Kuini (a e whakaaetia nei e matou
te rironga mai o aua moni) ko taua wahi whenua katoa kei Waiau ko Waikahika te
ingoa o taua wahi whenua ko nga rohe kei raro i te Pukapuka nei e mau ana te
korero whakahaere ko te mapi hoki o taua whenua kua apititia ki tenei. Me ona
rakau me ona kowhatu me ona wai me ona awa nui me ona roto me ona awa ririki me
nga mea katoa o taua whenua o runga ranei o raro ranei i te mata o taua whenua
me o matou tikanga me o matou take me o matou paanga katoatanga ki taua wahi;
Kia mau tonu ki a Kuini Wikitoria ki ona uri ki ana ranei e whakarite ai hei
tino mau tonu ake tonu atu. A hei tohu mo to matou whakaaetanga ki nga tikanga
katoa o tenei Pukapuka kua tuhituhia nei o matou ingoa me o matou tohu. A hei
tohu hoki mo te whakaaetanga o te Kuini o Ingarani mo tana wahi ki nga tikanga
katoa o tenei Pukapuka kua tuhia nei te ingoa o Te Pirihi Boundaries Kaiwhakarite whenua. Ko nga rohe enei o taua whenua ka timata i Te
Waipukapuka ka haere ma tatahi whaka te hauauru a—Te Ana ka huri ki te marangai
ma tonga tae tonu ki te tau o Tuhuna haere tonu ma runga o te tau a tae ki te
rohe o Waitataramoa haere tonu ma taua rohe ki te tuaraki a Waipukapuka.
Riwai Te x Kiori.
ni ko rima te ki o re.
Pehimana Tawa.
Ko nga tangata i kite i te hoatutanga o nga moni me te tuhinga o nga
ingoa—
J. W. Preece, Settler, Coromandel.
Weeden Adamson, Tutor,
Coromandel.
Receipt for £20 Kua riro mai ki a matou i tenei ra i te te tekau ma iwa o nga ra o Tihema
i te tau o to Tatou Ariki Kotahi mano e waru rau e rima tekau ma iwa (1859) nga
Pauna moni (£) Ko te utu tenei kua whakahuatia ki te Pukapuka tuku e mau i runga
ake nei kia utua mai ki a matou e Te Pirihi kai whakarite whenua mo te Kuini.
Riwai x Te Kiore.
ni ko ri ma te ki o re.
Pehimana tawa.
Nga Kai-titiro—
J. W. Preece, Settler, Coromandel.
Weeden Adamson, Tutor,
Coromandel.
James Preece,
District Land Purchase
Commissioner.