Kopuranui Block, Coromandel District.
1859. 23 September.Coromandel District.Tenei Pukapuka tuhituhia i-tenei te rua tekau ma toru o nga
ra o Hepetema i te tau o to tatou Ariki 1859 he Pukapuka tino hoko tino hoatu
tino tuku whakaoti atu na matou na nga Rangatira me nga Tangata o Ngati
Whanaunga no ratou nga ingoa e mau
Kopuranui. i raro nei a hei whakaatu tenei Pukapuka mo matou mo o matou whanaunga
me o matou uri mo te tuhituhinga o o matou ingoa ki tenei pukapuka i raro i te
ra e whiti nei kua whakarerea rawatia kua tino tukuna rawatia atu ki a Wikitoria
te Kuini o Ingarani ki ona uri ki nga Kingi ki nga Kuini o muri iho i a ia me
ana me a ratou e whakarite ai hei whakaritenga mo nga Pauna moni e wha tekau ma
rima £45 kua utua mai ki a matou e Te Pirihi kai whakarite whenua mo te Kuini (a
e whakaaetia nei e matou te rironga mai o aua moni) ko taua wahi whenua katoa
kei Waiau ko Kopuranui te ngoa o taua wahi whenua ko nga rohe kei raro i te
Pukapuka nei e mau ana te korero whakahaere ko te mapi hoki o taua whenua kua
apititia ki tenei. Me ona rakau me ona kowhatu me ona wai me ona awa nui me ona
roto me ona awa ririki me nga mea katoa o taua whenua o runga ranei o raro ranei
i te mata o taua whenua me o matou tikanga me o matou take me o matou paanga
katoatanga ki taua Wahi; Kia mau tonu ki a
page 385Kuini Wikitoria ki ona uri ki ana ranei e whakarite
ai hei tino mau tonu ake tonu atu. A hei tohu mo to matou whakaaetanga ki nga
tikanga katoa o tenei Pukapuka kua tuhituhia nei o matou ingoa me o matou tohu.
A hei tohu hoki mo te whakaaetanga o te Kuini o Ingarani mo tana wahi ki nga
tikanga katoa o tenei Pukapuka kua tuhia nei te ingoa o Te Pirihi Kaiwhakarite
Whenua. Ko nga rohe enei o taua whenua ka timata i
Boundaries Otanemoeroa miri tonu ma te taha o te awa kanae a—Te Kahikatearoa ka
huri ki te marangae ma raki a—Kopuranui whai tonu i taua kaka ma te taha o te
pihi i hokona e Maihi a—tae rawa ki te pihi i hokona e Horopeta miri tonu ki
taua pihi whaka te hauauru a—Otanemoeroa.
Maria.
Wiremu Maihi.
Rakura Patene.
Ko nga tangata i kite i te hoatutanga o nga moni me te tuhinga o nga
ingoa—
Robert Menzies, Shipwright.
Thomas Anderson, Shipwright,
Coromandel.
Kua riro mai ki a matou i tenei ra i te te rua tekau ma
toru o nga ra o Hepetema
Receipt for £45. i te tau o to Tatou Ariki Kotahi mano e waru rau e rima tekau ma iwa
(1859) nga Pauna moni e wha tekau ma rima (£45) Ko te utu tenei kua whakahuatia
ki te Pukapuka tuku e mau i runga ake nei kia utua mai ki a matou e Te Pirihi
kai whakarite Whenua mo te Kuini.
Maraia.
Wiremu Maihi.
Rakura
Patene.
James Preece,
District Land Purchase Commissioner.
Nga Kai-titiro—
Robert Menzies.
Thomas Anderson.