Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Paoneone Block, Mercury Island, Coromandel District

Paoneone Block, Mercury Island, Coromandel District.

1859. 1 April.Coromandel District.Tenei Pukapuka i tuhituhia i tenei Tuatahi o nga ra o Aperia i te tau o to tatou Ariki 1859 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Ngati Karaua no ratou nga ingoa e mau i raro nei a hei Paoneone. whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauha moni E ono tekau £60 kua utua mai ki a matou e Te Pirihi te Kai whakarite whenua mo te Kuini (a e whakaaetia nei e matou te rironga mai o aua moni) ko taua wahi whenua katoa kei Ahuahu ko Paoneone te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou;. take me o matou paanga katoatanga ki taua wahi; Kia mau tonu ki a Kuini Wikitoria ki ona uri ki ana page 379ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Pirihi te Kaiwhakarite Whenua. Ko nga rohe enei o taua whenua ka timata i Ngakoromatua haere ma te Boundaries. taha o te moana a—te Waimurunga tapahia a Pouriao tapahia a te Urututu a Waiparapara a Ngakoromatua.

Rawiri.
Rehara.

Ko nga tangata i kite i te hoatutanga o nga moni me te tuhinga o nga ingoa—

Hy. Woodward Williams, Tutor, Stapletou, Coromandel.
Hamiora.
te Wairahi.

Kua riro mai ki a matou i tenei ra i te Tuatahi o nga ra o Aperaira i te tau o toReceipt for £60. Tatou Ariki Kotahi mano e waru rau e rima tekau ma iwa (1859) nga Pauna moni E ono tekau (£60). Ko te utu tenei kua whakahuatia ki te Pukapuka tuku e mau i runga ake nei kia utua mai ki a matou e Te Pirihi te Kai whakarite whenua mo te Kuini.

Rawiri.
Rehara.

Nga Kai-titiro—

Hy. Woodward Williams, Tutor, Stapleton, Coromandel.
Hamiora.
te Wairahi.

James Preece,
District Land Purchase Commissioner.