1858. 27 November.Coromandel District.Tenei Pukapuka i tuhituhia i tenei i te 27 o nga ra o Nowema i te tau o to tatou Ariki 1858 he Pukapuka tino hoko tino hoatu tino tuku whakaoti atu na matou na nga Rangatira me ngaTangata o Ngatiwhanaunga no ratou nga ingoa e mau i raro nei a Tawhitirahi. hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu ki a Wikitoria Kuini o Ingarini ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E toru rau e wha tekau kua utua mai ki a matou e te Makarini mo te Kuini (a e whakaaetia nei e matou te rironga mai o aua moni) ko taua wahi whenua katoa kei Waiau ko Tawitirahi te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi, Kia mau tonu ki a Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoaro tenei Pukapuka kua tuhia nei te ingoa o Donald McLean Kaiwhakarite Whenua. Ko Boundaries. nga rohe enei o taua whenua ka timata i te Kaikatea roa ka haere i te taha o te awa Kanae a ka haere wakatetonga ki Waitoetoe ka huri ki te marangai ma tonga a te Ana o Mohao ka anga ki te marangai Tawiti Kaitara haere a Tawitirahi a haere tonu Waiokura miri tonu ki te taha o te awa o Tawitirahi a te Reretiti puta atu ki Waiau ka miri tonu ki te Awa o Waiau a te Totara ka hoki waka te hauauru tika tonu ma te ruritanga a Okaraiti ka miri i te taha o te awa o te Hinau a te a te awa o Papangu hoki waka te hauauru tika tonu ma te ruri Kaikahawai puta noa ki Kopura nui ka waiho i te tau o Kopuranui haere tonu Kaikaikatea roa, erangi ko nga rakau kauri 250—i hokona ki nga pakeha mo matou ano ena.