Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Roads at Papakura and Karaka, Manukau District

Roads at Papakura and Karaka, Manukau District.

1856. 31 October.Manukau District.E whakaae ana ahau a Ihaka Takaanini i tenei ra i te 31 o Oketopa i te tau 1856 kia tukua ki a te Kuini te wahi o Papakura hei ara mo Papakura And Karaka Roads. te Pakeha mo te Maori kia kotahi tini te whanui o te ara kia puta i tetahi taha o Papakura ki tetahi taha ki Opoka.
A e whakaae ana ano ahau kia tukua nga, wahi o te Karaka hei ara ano mo te Residence for Ferryman, Patutahanui, 5 acres. Pakeha mo te Maori a hei nohoanga mo te Pakeha tiaki i te pati Ko te ara kia kotahi tini te whanui ame haere tonu taua ara i runga tonu i to matou kainga i te Karaka puta noa ki te kainga Pakeha. A ki te pai te Kai ruri kia haere te ara i te taha marangai o te Tumu me whakarere te ara ki te hauauru a ki te pai te Kai ruri kia haere te ara ki te taha ki te Tumu ki te Hauauru me whakarere te ara ki te marangai a ko te wahi hei nohoanga mo te kai tiaki o te pati kia rima eka. Ko aua rima eka kei te awa o Patu-taha-nui te rohe ki te hauauru a ko te awa-a-Moa te rohe ki te marangai ma te Kai ruri e whakatakoto te rohe o te rima eka ki te taha ki uta ko Patutahanui te ingoa nui o taua wahi ko te whenua o aua ara he mea tuku tonu atu ki a Kuini ake tonu atu.
Receipt for payment. Ko te utu mo aua wahi nei o Papakura o te Karaka he hoiho uwha he hapu. A mo te rironga mai o taua hoiho me taku whakaaetanga ki nga ritenga katoa o tenei pukapuka koia ahau ka tuhituhi nei i toku ingoa i te aroaro o—

Ihaka Takaanini.

C. O. Davis, Interpreter.
E. B. Dickson, B.A.

Akarana, Tihema17, 1856.Receipt for £10, final payment. Kua riro mai ahau na Te Makarini kotahi tekau pauna £10 ko te utu whakamutunga tenei mo te huarahi ki Papakura mo te huarahi hoki o Te Karaka me nga eka whenua e rima o reira i tukua mai e ahau ki te Kawanatanga.

Na Ihaka Taka anini.

Kai titiro—

C. O. Davis, Interpreter.

Dec. 17, 1856.