Waiheke Island (Land on), Auckland District.
1858. 28 June.Auckland District.Tenei Pukapuka i tuhituhia i tenei rua tekau ma waru o nga ra
o Hune i te tau o to tatou Ariki 1858 he Pukapuka tino hoko tino hoatu tino tuku
whakaoti atu na matou Waiheke. na nga Rangatira me nga Tangata o Ngatipaoa no ratou nga ingoa e mau i
raro nei a hei whakaatu tenei Pukapuka mo matou mo o matou whanaunga me o matou
uri mo te tuhituhinga o o matou ingoa ki tenei pukapuka i raro i te ra e whiti
nei kua whakarerea rawatia kua tino tukuna rawatia atu kia Wikitoria Kuini o
Ingarani ki ona uri ki nga Kingi ki nga Kuini o muri iho i a ia me ana me a
ratou e whakarite ai hei whakaritenga mo nga Pauna moni kotahi tekau takitahi
kua utua mai ki a matou e Te Makarini mo te Kuini (a e whakaaetia nei e matou te
rironga mai o aua moni) ko taua wahi whenua katoa kei Waiheke ko —— te ingoa o
taua wahi whenua ko nga rohe kei raro i te Pukapuka nei e mau ana te korero
whakahaere ko te mapi hoki o taua whenua kua apititia ki tenei. Me ona rakau me
ona kowhatu me ona wai me ona awa nui me ona roto me ona awa ririki me nga mea
katoa o taua whenua o runga ranei o raro ranei i te mata o taua whenua me o
matou tikanga me o matou take me o matou paanga katoatanga ki taua wahi; Kia mau
tonu kia Kuini Wikitoria ki ona uri ki ana ranei e whakarite ai hei tino mau
tonu ake tonu atu. A hei tohu mo to matou whakaaetanga ki nga tikanga katoa o
Boundaries. tenei Pukapuka kua tuhituhia nei o matou ingoa me o matou tohu. A hei
tohu hoki mo te whakaaetanga o te Kuini o Ingarani mo tana wahi ki nga tikanga
katoa o tenei Pukapuka kua tuhia nei te ingoa o Te Makarini Kaiwhakarite Whenua.
Ko nga rohe enei o taua whenua ka timata i Opui ka rere atu ki te Rakiwhau
whakamau atu ki te tuku whakararo o Nga Tuturu ki te maunga i runga o Te Huruhi,
ko te putanga kei te whare o Taiko—ka haere i runga o Te Ahu ka puta ki
Whakataupoho.
Hori Pokaix.
Ko nga tangata i kite i te hoatutanga o nga moni
me te tuhinga o nga
ingoa—
William B. Baker, Chf. Clk., L.P.D.,
Auckland.
James Fulloon, Clk.,
Auckland.
Receipt for £10. Kua riro mai ki a matou i tenei ra i te 28 o nga ra o Hune i te tau o to
Tatou Ariki Kotahi mano e waru rau i rima tekau ma waru (1858) nga Pauna moni
kotahi tekau (£10 . 0 . 0) Ko te utu tenei kua whakahuatia ki te Pukapuka tuku e
mau i runga ake nei kia utua mai ki a matou e Te Makarini mo te Kuini.
Hori Pokaix.
Nga Kai-titiro—
William B. Baker, Chf. Clk., L.P.D.,
Auckland.
James Fulloon, Clk.,
Auckland.