Other formats

    Adobe Portable Document Format file (facsimile images)   TEI XML file   ePub eBook file  

Connect

    mail icontwitter iconBlogspot iconrss icon

Maori Deeds of Land Purchases in the North Island of New Zealand: Volume One

Waiheke Isiand (Land on), Auckland District

Waiheke Isiand (Land on), Auckland District.

1858. 12 June.Auckland District.Tenei Pukapuka i tuhituhia i tenei tekau ma rua (12) o nga ra o Hune i te tau o to tatou Ariki 1858 he Pukapuka tino hoko tino hoatu tino tuku whakaoti atu na matou Waiheke. na nga Rangatira me nga Tangata o Ngatipaoa no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E waru rau £800 . 0 . 0 kua utua mai ki a matou e Te Makarini mo te Kuini (a e whakaaetia nei e matou te rironga mai o aua moni) ko taua wahi whenua katoa kei Waiheke ko te ingoa o taua wahi whenua—ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka Boundaries. kua tuhia nei te ingoa o Te Makarini Kaiwhakarite Whenua. Ko nga rohe enei o taua whenua ka timata i Maruakarara ka haere i te takutai o te moana a Rarohara, a Waihihi, a haere tonu Tiktikiatongia a te ana kowhatu i Ruruwhango, ka haere na uta makere rawa atu ko Te Toanga haere tonu i te taha o te moana a Te Waihirere, ka hoki whakauta ka rere i runga i te raina o te ruritanga tawhito o Opopo a Puketotara ka koki ka haere tonu i taua raina a makere noa ki te moana i o Opopo ka tahi ka haere i te taha o te moana a Tokata haere tonu a Taniwhanui ka rere whakauta na runga i te raina ruritanga o te pihi o nga Pakeha a tutuki noa ki te ara toanga kaata ki Pikau ka haere tonu i te taha o te moana a Waikurariki ka rere whakauta i runga i te raina o to te Pakeha makere rawa ki te Rakiwhau ka heke i roto i taua awa a tutuki rawa ki te page 303wahi i whakawhiti ai te raina tawhito i te awa, haere tonu a Whakataupoho ka whati ka ahu ki te pa tawhito i Maunganui ka whati ka ahu tika tonu ki Whakatauihu ka anga ki Te Iwi-tuaroa a Puketutu ka whati ka makere ki te awa o Rangihoua ka haere tonu a te ngutu awa o Rarowhena ka eke i roto i taua awa rere tonu atu a te Maruakarara, ka tutaki nga rohe.

Ko nga tangata i kite i te hoatutanga o nga moni me te tuhinga o nga ingoa—

Donald McLean.

Tikaokao x.
Paengahuka x.
Kapakapa by Mohi x.
Te Ruinga x.
Pahau x.
Hori Pokai x.
Paora Tawera x.
Patara Pouroto x.
Wiremu Hoete.
Poihipi Ngamare x.
Wiremu Kepa x.
Hiwinui.
Mohi Whakaharuru x.
Hori Rakena x.
Ngatai x.
Ngakete by Hori Pokai.

Witness to signatures

Charles Heaphy, Surveyor,

Auckland.

George Friend, Acct., L.P.D.,

Auckland.

Wm. B. Baker, Chf. Clk., L.P.D.,

Auckland. Kua riro mai ki a matou i tenei ra i te tekau ma rua o nga ra o Hune i te tau o toReceipt for £800. Tatou Ariki Kotahi mano e warn rau e rima tekau ma waru (1858) nga Pauna moni Ewaru rau takitahi (£800 . 0 . 0) Ko te utu tenei kua whakahuatia ki to Pukapuka tuku e mau i runga ake nei kia utua mai ki a matou e Te Makarini mo te Kuini.

Hori Pokaix.
Patara Pourotox.

Nga Kai-titiro—

Greorge Friend, Acct., L.P.D.,

Auckland.

William B. Baker, Chf. Clk., L.P.D.,

Auckland.