Ahuroa and Kourawhero Block, Mahurangi District.
1854 22 June.Mahurangi DistrictHe pukapuka tuku whenua tonei i tuhituhia ki Mahurangi ki
tenei ra i te rua tekau ma rua o nga ra o Huni i te tau o to tatou Ariki kotahi
mano waru rau ma rima tekau ma Ahuroa and Kourawhero. wha. He pukapuka na matou na nga rangatira me nga tangata o te Kawerau
nona nga ingoa e apitiria ana ki raro nei he mea tuhituhi mo matou ake mo a
matou whanaunga mo a matou uri a muri ake i a matou ka whakaae nei matou kia
hokoa kia tukua rawatia tetahi wahi o to matou whenua kia te Kuini o Engarangi
ki nga Kingi Kuini ranei i muri i a ia ake ake ake.
A no te mea kua whakaae matou ki te tuku i tetehi wahi o to matou whenua Receipt for £900. e whakaae ana hoki te Kuini Wikitoria o Engarangi kia tukua mai ki a
matou kia kotahi mano ma rua rau pauna (£1200) E iwa nga rau pauna o enei moni
kua riro mai ki a Balance due, £300, less £20 for 40 acres reserved. matou i te ringaringa o te Honiana i tenei rangi kia toru atu rau pauna
e homai ai ki a matou a te tani o nga ra o Hanuere i te tau o to tatou Ariki,
1855. E rua tekau pauna o enei moni e whakahokia ana e te Kiri ki a te Honiana
mo nga eka e wha tekau he wahi tapu ia e whakakapea ana i tenei tukunga.
KoBoundaries. nga rohe enei o te whenua ka timata ki te mutunga o te rohe o to matou
wahi ki Puhoi ka rere tika tonu i runga i te ritenga o te raina i para ka tae ki
te ritenga o Onehunga ka rere i runga i te kaha ki te taha ki hauauru o Onehunga
ka mahue te kaha ka rere ki te rua i keria ki runga i te toropuke ka rere tonu
ka whiti i te awa o Kaitoto ka rere Paekauri ka anga ki te marangai ka haere i
runga i te kaha a tutaki rawa ki te take o te puke keokeo te Tohetohe-o-rei ka
tahi ka anga ki runga ka rere i te rohe o te hokonga matamua o Mahurangi puta
noa ki te wahi i timata ai te whakahaere-nga o nga rohe.
Kua oti o matou whakaaro katoa mo tenei wahi koia ka whakarerea ka tukua
rawatia tenei wahi whenua o matou tupuna i homai kia matou me ona awa roto wai
mara pari kowhatu aha noa iho i runga i raro i te whenua kua tukua rawatia kia
Wikitoria te Kuini o Engarangi ki nga Kingi Kuini i muri i a ia ake tonu atu
koia matou i tuhituhi ai i o matou nei ingoa me o matou tohu.
Waihoki ko te Kuini o Engarangi e whakaae ana ki tenei pukapuka koia te Honiana
tetahi kai whakarite whenua mo te Kawanatanga o Nui Tireni ka apitia hoki i tona
ingoa.
John G. Johnson,
Sub-Commissioner.
Tuihana x tona tohu.
Te paea x tona tohu.
Arama Karaka x tona
tohu.
Maunga Tauhoro.
Hemara Te Huia x tona tohu.
Te
Kirikaiparaoa x tona tohu.
Te More x tona tohu.
Piriparaone.
Wiremu Karaka Apo.
Koru x tona tohu.
Miriama x tona tohu.
Hori
Kingi Maukino x tona tohu.
Haupapa x tona tohu.
Hone Waiti.
Katarina Rahui x tona tohu.
Pani x tona tohu.
Kawerahi x tona
tohu.
To Rawhiti x tona tohu.
Parahi x tona tohu.
Hiria x tona
tohu.
Kai Titiro—
Ngaki.