1854. 24 August.Kaipara District.He pukapuka tuku whenua tenei i tuhituhia kei Akarana i tenei ra i te rua tekau Tokatoka. ma wha o nga ra o Akuhata i te tau o to tatou Ariki kotahi mano waru rau ma rima tekau ma wha (1854) Ko te whakaaetanga o te Uriohau o te Waiaruhe—kia hokona tetehi wahi o to matou whenua kia te Kuini Wikitoria o Ingarangi. Ko nga rohe enei—ka Boundaries. timata ki te awa o Hirakau ka haere i roto i te Wairoa ki te Awaiti ka mahue te awa ka anga ki roto i te Waiti ka rere Motu koroi ko te rohe o uta tenei ka rere Hikuika Matarauaruhe ka rere mai ki te Wairoa ki roto i te awa o Hiraku, ka mutu.

A no te mea kua whakaae matou ki te tuku i tenei wahi o to matou whenua ko Tokatoka kia te Kuini Wikitoria o Ingarangi e whakaae ana hoki te Kuini kia hoatu kia matou kia kotahi rau pauna moni he utu tuatahi mo taua whenua a te raumate ka ruritia te whenua ka whakaritea te utu whakamutunga mo taua whenua. Kua riro mai i a Receipt for £100, first instalment. matou nga pauna kotahi rau i te ringaringa o te Honiana tetehi kai whakarite whenua mo te Kawana o Nui Tireni koia matou ka whakaae ka tuhituhi i o matou ingoa.