1864. 28 April.Kaipara District.Tenei Pukapuka i tuhituhia i tenei e rua tekau ma waru (28) o nga ra o Aperira i te tau o to tatou Ariki 1864 he Pukapuka tino hoko tino hoatu tino tuku whakaoti atu na Waikiekie No. II. matou na nga Rangatira me nga Tangata o Uriohau no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro I te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e rima rau e ono tekau ma ono 13/4 £566 .13 .4 kua utua mai ki a matou e Te Rokena mo te Kuini (a e whakaaetia nei e matou te rironga mai o aua moni) ko taua wahi whenua katoa kei Kaipara ko Waikiekie te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga rahei o raro ranei i te mata o taua whenuai me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o Te Rokena Kaiwhakarite Boundaries. [33,800 acres.] Whenua. Ko nga rohe enei o taua whenua ka timata i te huinga o nga wai o Manganui, me Tauraroa ka haere i roto o te wai o Tauraroa, ka tae ki te rohe o te taha tonga o. Ruarangi puta noa ki Mareretu, ki te pihi i ruritia a Hare Naiti a ka haere i runga o te raina maro tonu, marere noa ki te wai, o Manganui, ki te huinga o te wai o Tauraroa ki te wai o Manganui ki te timataiga o enei rohe.