1862 8 DecemberTenei Pukapuka i tuhituhia i tenei waru (8) o nga ra o Tihema i te tau o to tatou Ariki Kaipara District. 1862 he Pukapuka tino hoko tino hoatu tino tuku whakaoti atu na matou na nga Rangatira Matawhero No. II. me nga Tangata o Ngatiwhatua no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni e ono rau e waru tekau ma rima kua utua mai ki a matou e Te Rokena mo te Kuini (a e whakaaetia nei e matou te rironga mai o enei moni) ko taua wahi whenua katoa kei Kaipara ko Matawhero te ingoa o taua wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi ki nga tikanga katoa o tenei Pukapuka kua tuhia nei te ingoa o te Rokena Kaiwhakarite Whenua. Ko nga Boundaries. [5,480 acres.] rohe enei o taua whenua ka timata i Kawakawa ki te Papa ka haere ki Tamakoriata i runga i nga raina ruri 262° 30′. 2600 riki 270° 40′ 5100 271°. 30′—2590 riki 269°. 10′—12030 riki ka haere ki te Kanohi i runga i te ara ruri ka tae ki te tahi pito o Komakoriki 274°. 30′—4212 riki 272°. 0′—3908 riki ka haere ki te raina ruri ka tae ki te Kauri 255°. 0′ 11115 riki 266°. 30′—2995 riki 250°. 0′ 7000 riki ka tae ki Waitoki ki Parikakau, ka haere i roto o te Wai o Waitoki ka tae ki te raina ruri 80° 36′ 2027 riki 176° 40′ 35500 riki 79° 20′ 10800 riki 74° 40′ 6688 riki ka tae ki te Awa o Kaipara ka tae ki Mata 24 acres at Karae surrendered to Government. whero ki te Karae awhio noa ki Kawakawa ki te timatanga. Ko te Karae 24 eka i roto o tenei whenua kua oti te tuku atu ki te Kawanatanga.