1862 24 JulyKaipara District.Tenei Pukapuka i tuhituhia i tenei te rua tekau ma wha o nga ra o Hurai i te tau o to Waiherunca. tatou Ariki 1862 he Pukapuka tino hoko tino hoatu tino tuku whakaoti atu na matou na nga Rangatira me nga Tangata o Te Uriohau no ratou nga ingoa e mau i raro nei a hei whakaatu tenei Pukapuka mo matou mo o matou whanaunga me o matou uri mo te tuhituhinga o o matou ingoa ki tenei pukapuka i raro i te ra e whiti nei kua whakarerea rawatia kua tino tukuna rawatia atu kia Wikitoria Kuini o Ingarani ki ona uri ki nga Kingi ki nga Kuini o muri iho i a ia me ana me a ratou e whakarite ai hei whakaritenga mo nga Pauna moni E rua rau kotahi tekau ma ono kua utua mai ki a matou e Te Rokena mo te Kuini (a e whakaaetia nei e matou te rironga mai o aua moni) ko taua wahi whenua katoa kei Kaipara ko Waiherunga te ingoa o taua wahi wahi whenua ko nga rohe kei raro i te Pukapuka nei e mau ana te korero whakahaere ko te mapi hoki o taua whenua kua apititia ki tenei. Me ona rakau me ona kowhatu me ona wai me ona awa nui me ona roto me ona awa ririki me nga mea katoa o taua whenua o runga ranei o raro ranei i te mata o taua whenua me o matou tikanga me o matou take me o matou paanga katoatanga ki taua wahi; Kia mau tonu kia Kuini Wikitoria ki ona uri ki ana ranei e whakarite ai hei tino mau tonu ake tonu atu. A hei tohu mo to matou whakaaetanga ki nga tikanga katoa o tenei Pukapuka kua tuhituhia nei o matou ingoa me o matou tohu. A hei tohu hoki mo te whakaaetanga o te Kuini o Ingarani mo tana wahi Boundaries. kua tuhia nei te ingoa o Te Rokena Kaiwhakarite Whenua. Ko nga rohe enei o taua whenua ka timata i Awataha, a ka haere i te taha o te wai o Kaipara a Karukaruhui ka haere i te rohe Hauauru tuaraki o Mairetahi a te takutai o te moana, ka haere i te takutai o te moana a te rohe o Waioneke, ka haere i te rohe o Waioneke a tutuki ki te whenua rahui e huaina ko Otai, ka haere i te rohe o taua whenua e Otai 140°. o te Kapehu, 2077 riki, a 38° 50′ o te Kapehu 1300 riki, a 3°, 0′, o te Kapehu 2045 riki, a ka haere i te rohe o Waioneke a tutuki noa ki Awataha te wahi i timata ai nga rohe.